Зиомицин 500 мг, №3, табл.

Сипаттама

Дәрілік затты медициналық қолдану жөніндегі нұсқаулық

Зиомицин^®

Саудалық атауы

Зиомицин^®

Халықаралық патенттелмеген атауы

Азитромицин

Дәрілік түрі

Үлбірлі қабықпен қапталған 250 және 500 мг таблеткалар

Құрамы

Бір таблетканың құрамында

белсенді зат –250 мг және 500 мг азитромицинге шаққанда азитромицин дигидраты

қосымша заттар: микрокристалды целлюлоза (Авицел РН 101), натрий кроскармеллозасы (Ac-Di-Sol), натрий лаурилсульфаты (Stepanol WA100), повидон (Plasdone К 90), тазартылған тальк, магний стеараты, Opadry 04B520005 сары жабыны: (гипромеллоза 15 сР, титанның қостотығы Е171, макрогол/PEG 400, темірдің (III) сары тотығы Е172)

Сипаттамасы

Сары түсті үлбірлі қабықпен қапталған, капсула пішінді, бір жақ бетінде «А 250» логотипі және басқа жақ беті тегіс таблеткалар (250 мг дозасы үшін).

Сары түсті үлбірлі қабықпен қапталған, капсула пішінді, бір жақ бетінде «А 500» логотипі және басқа жақ беті тегіс таблеткалар (500 мг дозасы үшін).

Фармакотерапиялық тобы

Жүйелі қолдануға арналған бактерияға қарсы дәрілер. Макролидтер, линкозамидтер және стрептограминдер. Макролидтер. Азитромицин.

ATХ коды J01FA10

Фармакологиялық қасиеттері

Фармакокинетикасы

Сіңуі

Пероральді қабылдаудан кейінгі биожетімділігі шамамен 37% құрайды. Қан плазмасында концентрациялары ең жоғары шегіне дәрілік затты қабылдағаннан кейін 2-3 сағаттан соң жетеді.

Таралуы

Пероральді азитромицин бүкіл организмге кеңінен таралады. Фармакокинетикалық зерттеулерде тіндерде өлшенген азитромицин концентрациясының, плазмадағы өлшенгенге қарағанда, едәуір (50 есеге дейін) жоғары екендігін көрсетті, бұл дәрінің тіндермен мықты байланысқанын айғақтайды.

Сарысу ақуыздарымен байланысуы плазмадағы концентрациясына байланысты өзгереді және сарысудағы азитромицин 0,5 мкг / мл-де болған кездегі 12%-дан бастап 0,05 мкг мл-дегі 52%-на дейінді құрайды. Аурухана жағдайындағы орташа таралу көлемі (VVss) 31,1 л / кг ретінде есептелген.

Шығарылуы

Плазмадан ақырғы жартылай шығарылу кезеңі тіннен жартылай шығарылуына дәл сәйкес келеді және 2-4 күнді құрайды.

Вена ішіне енгізілген азитромицин дозасының шамамен 12%-ы өзгермеген күйінде келесі үш күн ішінде организмнен несеппен бірге шығарылады. Өзгермеген азитромициннің аса жоғары концентрациялары адамның өтінен табылды. Сондай-ақ өттен N- және О-деметилдену, дезозаминнің - және агликон сақиналарының гидроксилденуі және конъюгат кладинозаның ыдырауы жолымен түзілген он метаболит табылды. Сұйықтық хроматографиясы мен микробиологиялық талдаулардың нәтижелерін салыстыру азитромициннің метаболиттерінің микробиологиялық тұрғыдан белсенді болып табылмайтындығын көрсетті.

Азитромициннің жоғары концентрациялары фагоциттерден табылды. Сондай-ақ белсенді фагоцитозда азитромициннің жоғары концентрациялары белсенді емес фагоциттерден босап шығатыны анықталды. Бұл инфекция орнына жеткізілетін азитромициннің жоғары концентрацияда болуына әкеледі.

Фармакодинамикасы

Зиомицин^® азалидтік топқа жататын макролидтік антибиотик болып табылады. Молекуласы азот атомын А эритромициннің лактондық сақинасына қосу жолымен құрылады.

Азитромициннің химиялық атауы – 9-дезокси-9а-аза-9а-метил-9а-гомоэритромицин A. Молекулалық салмағы 749,0 құрайды.

Азитромициннің әсер ету механизмі рибосомальді 50s суббірлікпен байланысу және пептидтік транслокацияны тежеу арқылы бактериялық ақуыз синтезін басуға негізделген.

Жүрек электрофизиологиясы:

QTc аралығының ұзаруы хлорохинді (1000 мг) бөлек қабылдаған, немесе азитромицинмен (күніне бір рет 500 мг, 1000 мг және 1500 мг) біріктіріп қабылдаған дені сау 116 пациентке жүргізілген рандомизацияланған плацебо-бақыланатын қатарласқан зерттеулерде зерттелді.

Азитромицинді бірге қолдану дозаның және қандағы концентрацияның өзгеруімен QTc аралығын арттырады. QTcF (жоғарғы сенімді шекара 95%) ең жоғарыға артуы, хлорохинмен салыстырғанда,500 мг, 1000 мг және 1500 мг азитромицинді бір мезгілде енгізгенде, сәйкесінше, 5 (10) мс, 7 (12) мс және 9 (14) мс құрады.

Резистенттілік механизмі:

Азитромицинге төзімділік өзіне тән болуы немесе жүре пайда болуы мүмкін. Бактерияларда резистенттіліктің негізгі үш механизмі бар: тұтас аймақтың өзгеруі, антибиотикті жеткізудің өзгерулері және антибиотиктің модификациясы.

Азитромицин метициллинге S. aureus (MRSA), эритромицинге, азитромицинге, басқа да макролидтерге және линкозамидтерге төзімділікті қоса, Streptococcus pneumoniae, А тобында betahaemolytic streptococcus, Enterococcus faecalis and Staphylococcus aureus айқаспалы резистенттілікті көрсетеді.

Азитромицинге төзімділіктің бактериялық патогендерге тән шектік мәндері

NCCLS:

• Сезімталдық ≤ 2 мг / л; Төзімділік ≥ 8мг / л

• Haemophilus spp.: сезімтал ≤ 4 мг / л

• Streptococcus pneumoniae және стрептококктік пиогендер:

Сезімталдық≤ 0,5 мг / л; Төзімділік ≥ 2 мг / л

Сезімталдық

Жүре пайда болатын резистенттіліктің басым болуы географиялық тұрғыдан және уақыты келгенде жекелеген түрлерде өзгеріп отыруы мүмкін және резистенттілігі жөнінде, әсіресе ауыр инфекцияларды емдегенде, жергілікті ақпарат қажет. Резистенттіліктің жергілікті таралуы, ең кемінде, инфекциялардың кейбір түрлері үшін дәрілердің пайдалылығы мәселе болып қалған жағдайда, қажетіне қарай, сараптамалық кеңес алуға жүгінген жөн.

Кесте: Азитромициннің бактерияларға қарсы ауқымы

Әдетте сезімтал түрлер

Аэробты грамоң микроорганизмдер

Staphylococcus aureus (Алтын түсті стафилококк) Метициллин-сезімтал

Пневмококк Пенициллин-сезімтал

Пиогенді стрептококк(А тобы)

Аэробты грамтеріс микроорганизмдер

Haemophilus influenzae Haemophilus parainfluenzae

Legionella pneumophila

Moraxella catarrhalis

Pasteurella multocida

Анаэробты микроорганизмдер

Clostridium perfringens

Fusobacterium spp.

Prevotella spp.

Porphyromonas spp.

Басқа да микроорганизмдер

Chlamydia trachomatis (Хламидии трахоматис)

Жүре пайда болған кедергілер мәселесі туындауы мүмкін түрлер

Аэробты грамоң микроорганизмдер

Streptococcus pneumonia (Пневмококк)

(Пенициллин-аралық)

(Пенициллин-резистентті)

Ажырамайтын тұрақты организмдер

Аэробты грамоң микроорганизмдер

Enterococcus faecalis (Нәжістік энтерококктер

Staphylococci MRSA, MRSE* (Стафилококктер МРСА, СЭПсС*)

Anaerobic microorganisms (Анаэробты микроорганизмдер)

Bacteroides fragilis group (Күйрегіш топтың бактероидтары)

* Метициллинге төзімді стафилококктерді жүре пайда болатын резистентті макролидтерге таралуы өте ауқымды және осы жерге орналастырылған, өйткені олар азитромицинге сирек сезімтал

Қолданылуы

Зиомицин^® препараты белгілі немесе бір немесе бірнеше сезімтал микроорганизмдерден туындаған келесі инфекцияларды емдеу үшін қолданылады:

- бронхитті

- ауруханадан тыс пневмонияны

- синуситті

- фарингит/тонзиллитті

- ортаңғы құлақ отитін

- тері және жұмсақ тін инфекцияларын

- Chlamydia trachomatis және Neisseria gonorrhoeae туындаған асқынбаған жыныстық инфекцияларды

Бактерияларға қарсы пайдалануға қатысты ресми нұсқауларды қарастырған жөн.

Қолдану тәсілі және дозалары

Зиомицин^® таблеткасын бір реттік күнделікті доза ретінде тағайындаған жөн.

Тамақтанудан 1 сағат бұрын немесе тамақтанудан кейін 2 сағаттан соң ішке қабылдау керек.

Дене салмағы 45 кг-ден астам балалар және, егде жастағы пациенттерді қоса, ересектер

Зиомицин^® препаратының жалпы дозасы 1500 мг құрайды, оны үш күн бойы (күніне бір рет 500 мг) тағайындаған жөн.

Chlamydia trachomatis әсерінен туындаған асқынбаған генитальді инфекцияларда доза бір реттік пероральді доза түрінде 1000 мг құрайды. Сезімтал гонококктер Neisseria gonorrhoeae үшін ұсынылатын доза, емдеудің жергілікті клиникалық нұсқауларына сәйкес, 1000 мг немесе 2000 мг азитромициннің 250 мг немесе 500 мг цефтриаксонмен біріктірілімін құрайды.

Пенициллинге және/немесе цефалоспориндерге аллергиядан зардап шегіп жүрген пациенттер үшін емдеудің жергілікті ережелеріне қатысты кеңес алуы керек.

Педиатриялық іс тәжірибеде

Дене салмағы 45 кг дейінгі балаларда:Зиомицин таблеткасы дене салмағы 45 кг-ге дейінгі балаларға қолданылмайды.

Бүйрек функциясының жеткіліксіздігі

Бүйрек функциясының жеңіл немесе орташа жеткіліксіздігі бар (ШСЖ 10 - 80 мл/мин) пациенттерде дозаны түзету қажет емес. Азитромицинді бүйрек функциясының ауыр жеткіліксіздігі бар (ШСЖ <10 мл / мин) пациенттерге енгізгенде сақтық танытқан жөн.

Бауыр функциясының жеткіліксіздігі

Азитромицин бауырда метаболизденетін және өтпен бірге шығарылатын болғандықтан, препаратты бауырдың осындай ауруларынан зардап шегіп жүрген пациенттерге тағайындамау керек. Мұндай науқастарды азитромицинмен емдеуге зерттеу жүргізілген жоқ.

Жағымсыз әсерлері

Зиомицин^® жиілігі төмен жағымсыз әсерлерді жақсы көтереді.

Төменде клиникалық сынақтар және ағзалар жүйесінің класы және жиілігі бойынша постмаркетингтік бақылау барысында байқалған жағымсыз реакциялар берілген. Постмаркетингтік кезеңде байқалған жағымсыз реакциялар курсивпен көрсетілген.

Жиілігі бойынша топтардың жиілігі келесі конвенция жәрдемімен анықталады: өте жиі (≥1 / 10); жиі (≥ 1/100 <1/10 дейін); жиі емес (≥1 / 1000 <1/100 дейін); сирек (≥ 1/10000 <1/1000 дейін); өте сирек (<1/10000); белгісіз (қолда бар деректермен баға беру мүмкін емес). Әрбір жиілік тобында жағымсыз әсерлер күрделілігінің кемуі ретімен берілген.

Клиникалық сынақтар және постмаркетингтік қадағалау негізінде азитромицинмен байланысты ықтимал немесе болуы мүмкін жағымсыз реакциялар:

Инфекциялар және инвазиялар

Жиі емес

(≥1/1,000 <1/100 дейін)

кандидоз, ауыз қуысының кандидозы, қынаптық инфекциялар

Белгісіз

(Қолда бар деректермен баға беру мүмкін емес)

жалған жарғақшалы колит (арнайы ескертулерді және қолданған кездегі сақтық шараларын қараңыз)

Қан және лимфалық жүйе

Жиі емес

(≥ 1/1,000< 1/100 дейін)

лейкопения, нейтропения.

Белгісіз

(Қолда бар деректермен баға беру мүмкін емес)

тромбоцитопения, гемолиздік анемия

Иммундық жүйенің бұзылыстары

Жиі емес

(≥1/1,000<1/100 дейін)

Квинке ісінуі, жоғары сезімталдық

Белгісіз

(Қолда бар деректермен баға беру мүмкін емес)

анафилаксиялық реакциялар

Метаболизм және тамақтану бұзылыстары

Жиі

(> 1/100, < 1/10)

Анорексия

Психикалық бұзылыстар

Жиі емес

(≥1/1,000 <1/100 дейін)

Күйгелектік

Сирек

(> 1/10000, < 1/1000)

Агитация

(Қолда бар деректермен баға беру мүмкін емес)

Агрессия, үрейлену

Жүйке жүйесінің бұзылыстары

Жиі

(> 1/100, < 1/10)

Бас айналу, бас ауыру, парестезиялар, дисгевзия

Жиі емес

(≥1/1,000 <1/100 дейін)

Гипоатестезия, ұйқышылдық, ұйқысыздық

Белгісіз

(Қолда бар деректермен баға беру мүмкін емес)

естен танулар, конвульсиялар, психомоторлы аса жоғары белсенділік, аносмия, агевзия, parosmia, миастения.

Көз аурулары

Жиі

(> 1/100, < 1/10)

Көрудің бұзылулары

Естудің және лабиринттің бұзылыстары

Жиі

(> 1/100, < 1/10)

Кереңдік

Жиі емес

(≥1/1,000 <1/100 дейін)

Естудің нашарлауы, құлақтың шуылдауы

Сирек

(> 1/10000, < 1/1000)

Бас айналу

Жүрек аурулары

Жиі емес

(≥1/1,000 <1/100 дейін)

Жүректің қағуы

Белгісіз

(Қолда бар деректермен баға беру мүмкін емес)

Torsades de pointes соның ішінде қарыншалық тахикардия

Қантамыр аурулары

Белгісіз

(Қолда бар деректермен баға беру мүмкін емес)

Гипотония

Асқазан-ішектік бұзылыстар

Өте жиі

(≥1/10)

диарея, іштің ауыруы, жүректің айнуы, метеоризм

Жиі

(> 1/100, < 1/10)

Құсу, диспепсия

(> 1/1000, < 1/100)

гастрит, іш қату

Белгісіз

(Қолда бар деректермен баға беру мүмкін емес)

панкреатит, тілдің түссізденуі

Гепатобилиарлық жүйе тарапынан аурулар

Жиі емес

(> 1/1000, < 1/100)

Гепатит

Сирек

(> 1/10000, < 1/1000)

Аномальді бауыр функциясы

Белгісіз

(Қолда бар деректермен баға беру мүмкін емес)

Бауыр функциясының жеткіліксіздігі, ол өлімге сирек әкеледі, гепатит, шұғыл дамитын бауыр некрозы, холестаздық сарғаю

Терінің және теріасты тінінің бұзылыстары

Жиі

(> 1/100, < 1/10)

Қышыну және бөртпе

Жиі емес

(> 1/1000, < 1/100)

Стивенс-Джонсон синдромы, жарыққа сезімталдық реакциялары, есекжем

Өте сирек

(< 1/10,000)

дәріге аса жоғары сезімталдық синдромы

Белгісіз

(Қолда бар деректермен баға беру мүмкін емес)

уытты эпидермальді некролиз, көп формалы эритема

Сүйек-бұлшықет жүйесінің және дәнекер тін аурулары

Жиі (> 1/100, < 1/10)

Arthralgia

Бүйрек аурулары және несеп-жыныс бұзылыстары

Белгісіз: (Қолда бар деректермен баға беру мүмкін емес)

Бүйрек функциясының жедел жеткіліксіздігі, интерстициальді нефрит

Жалпы бұзылулар және қолданған жердегі жағдайлар

Жиі (> 1/100, < 1/10)

шаршау

Жиі емес

Жиі емес (> 1/1000, < 1/100)

Кеуденің ауыруы, ісінулер, дімкәстік, астения

Зерттеулер

Жиі (> 1/100, < 1/10)

лимфоциттер санының азаюы, эозинофилдер санының артуы, қан бикарбонатының төмендеуі

Жиі емес

(> 1/1000, < 1/100)

аминотрансфераза аспартатының артуы, аминотрансфераза аланинінің артуы, қанда билирубиннің артуы, қанда мочевинаның артуы, қандағы калийдің аномальді мөлшері

Белгісіз

(Қолда бар деректермен баға беру мүмкін емес)

электрокардиограммада QT ұзаруы

Қолдануға болмайтын жағдайлар

- азитромицинге, эритромицинге, кез келген макролидке немесе кетолидтік антибиотикке немесе қосымша заттардың кез келгеніне аса жоғары сезімталдық

Дәрілермен өзара әрекеттесуі

Антацидтер

Антацид мен азитромицинді бір мезгілде қабылдаудың ықпалын білуге фармакокинетикалық зерттеулер, сарысудың ең жоғары шектегі концентрациялары шамамен 24%-ға төмендесе де, жалпы биожетімділігіне ықпалының жоқтығын көрсетті. Азитромицин мен антацидтерді бір мезгілде қабылдап жүрген пациенттер препаратты бір мезгілде қабалдамағандары жөн.

Цетиризин

Азитромициннің 20 мг цетиризинмен 5 күндік курсын стационарлық жағдайда бірге енгізу фармакокинетикалық өзара әрекеттесуге және QT аралығында қандай да болсын елеулі өзгерулерге әкелген жоқ.

Диданозин (Дидезоксиинозин)

АИТВ-оң алты науқасқа тәулігіне 1200 мг азитромицинді тәулігіне 400 мг диданозинмен бірге енгізу, плацебомен салыстырғанда, диданозиннің анықталмаған фармакокинетикасына ықпалын тигізген жоқ.

Дигоксин

Кейбір макролидтік антибиотиктер, мәлімделгендей, кейбір пациенттерде ішектегі дигоксиннің микробтық метаболизмін төмендетті. Азитромицинді, ұқсас азалидтік антибиотикті және дигоксинді бір мезгілде қабылдап жүрген пациенттерде дигоксиннің деңгейі жоғарылауы мүмкін.

Зидовудин

Азитромициннің жекелей 1000 мг дозасы және бірнеше 1200 мг немесе 600 мг дозалары плазманың фармакокинетикасына немесе несеппен бірге зидовудиннің немесе оның метаболиті глюкуронидтің бөлініп шығуына аздаған ықпалын тигізеді. Дегенмен, азитромицинді енгізу шеткері қанның мононуклеарлы жасушаларындағы фосфорланған зидовудиннің, клиникалық тұрғыдан белсенді метаболитінің концентрацияларын арттырады. Осы фактінің клиникалық маңызы айқын емес, бірақ бұл пациенттер үшін пайдалы болуы мүмкін.

Азитромицин бауырлық Р450 цитохромының жүйесімен айтарлықтай өзара әрекеттеспейді. Эритромицинмен және басқа да макролидтермен туындайтын фармакокинетикалық дәрілік өзара әрекеттесулер, болжаммен алғанда, орын алмайды. Азитромицинмен біріккенде бауырдың P450 цитохромымен индукциялануы немесе цитохром-метаболит кешенінің жәрдемімен белсенділігінің жойылуы туындамайды.

Қастауыш туындылары

Эрготизмнің пайда болуының теориялық ықтималдылығы салдарынан азитромицинді қастауыш туындыларымен бір мезгілде қолдану ұсынылмайды.

Өзара әрекеттесуіне фармакокинетикалық зерттеулер азитромицин және, Р450 цитохромы арқылы елеулі метаболизмге ұшырайтыны белгілі, төменде сипатталған препараттар арасында жүргізілді.

Аторвастатин

Аторвастатинді (күн сайын 10 мг) және азитромицинді (күніне 500 мг) бірге енгізу аторвастатиннің плазмалық концентрациясын өзгертпейді (3-гидрокси-3-метилглютарил-кофермент А редуктаза тежегішімен тежелуін талдауға негізделген).

Карбамазепин

Дені сау еріктілерде фармакокинетикалық өзара әрекеттеуге жүргізілген зерттеулерде азитромицинді бірге қабылдап жүрген пациенттерде карбамазепинді немесе оның белсенді метаболитінің плазмалық деңгейіне ешқандай да елеулі ықпалы байқалған жоқ.

Айрықша нұсқаулар

Жоғары сезімталдық

Эритромицинді және басқа да макролидтерді қолданғанда ангионевроздық ісінуді және анафилаксияны қоса (сирек өліммен аяқталатын), сирек күрделі алллергиялық реакциялар байқалды. Азитромицинмен осы реакциялардың кейбіреулері қайталанатын симптомдарға және бақылау мен емдеу кезеңінің ұзағыраққа созылуының қажеттілігіне әкелді.

Гепатоуыттылық

Бауыр азитромицинді шығарудың негізгі жолы болып табылатындықтан, елеулі бауыр аурулары бар пациенттерде азитромицинді қолдануға сақтықпен тағайындаған жөн. Азитромицинді қолданған кезде өмірге қауіп төндіретін бауыр функциясының жеткіліксіздігіне потенциалды түрдеәкеп соғатын шұғыл дамитын гепатиттің туындау жағдайлары білінді.

Кейбір пациенттердің анамнезінде бауыр ауруы бұрыннан бар болуы мүмкін, немесе басқа гепатоуыттық дәрілік заттарды қабылдап жүруі ықтимал.

Сарғаюмен байланысты тез дамитын астения, несептің қараюы, қан кетуге немесе бауырлық энцефалопатияға бейімділік сияқты бауыр дисфункциясының белгілері және симптомдары туындаған жағдайда бауыр функциясына талдаулар/зертеулер шұғыл түрде жасалуы тиіс. Егер бауыр дисфункциясы туындаса, азитромицинді қабылдау тоқтатылуы тиіс.

Қастауыш туындылары

Қастауыш туындыларын қабылдап жүрген пациенттерде эрготизм кейбір макролидтік антибиотиктерді бірге қабылдаумен тездетіледі. Қастауыш пен азитромицин арасында өзара әрекеттесу ықтималдылығына қатысты ешқандай деректер жоқ. Дегенмен, эрготизмнің пайда болуының теориялық ықтималдылығын ескерсек, азитромицин және қастауыш туындылары бірге қолданылмауы тиіс.

QT аралығының ұзары

Жүрек аритмияларының және torsades de pointes даму қаупін беретін жүректің және QT аралығының ұзаққа созылған реполяризациясы басқа макролидтермен емдеген кезде байқалды. Азитромициннен болатын осындай әсерді жүректің ұзаққа созылған реполяризациясының даму қаупі бар пациенттерде жоққа шығаруға болмайды, сондықтан мына науқастарды емдеген кезде сақтық қажет:

- QT аралығының ұзаруы туа біткен немесе құжатталған

- QT аралығын ұзартуға қабілетті, аритмияға қарсы Іа және ІІІ класс препараттары, цизаприд және терфенадин сияқты белсенді басқа заттармен осы кезде емделген

- электролиттік бұзылулары бар пациенттер, атап айтқанда гипокалиемия және гипомагниемия жағдайындағы

- клиникалық тұрғыдан маңызды брадикардиясы, жүрек аритмиясы немесе жүрек функциясының ауыр жеткіліксіздігі бар.

Суперинфекция

Басқа антибиотиктер жағдайындағы сияқты, сезімтал емес организмдерде, зеңдерді қоса, суперинфекцияның белгілерін бақылау ұсынылады.

Clostridium difficile – астасқан диарея

Азитромицинді қоса, бактерияларға қарсы іс жүзінде барлық агенттерді пайдаланған кезде диареямен астасқан Clostridium difficile (CDAD) туындағаны мәлімделді, және ауырлығы жеңілден өліммен аяқталатын колитке дейін өзгеруі мүмкін. А және В гипертоксин өндіретін Clostridium difficile штаммдары астасқан диареяның дамуына мүмкіндік береді. Гипертоксин Clostridium difficile штаммдарын өндіреді, бұл жоғары аурушаңдық пен өлімге әкеп соғуы мүмкін, өйткені бұл инфекциялар микробтарға қарсы емге төзімді болуы және колэктомияны қажет етуі мүмкін. Сондықтан қандай да болсын антибиотиктерді қолдану кезінде немесе қолданудан кейін диареямен келген пациенттерде астасқан диарея ықтималдылығы анық көрінуі тиіс. Астасқан диарея байқалу бойына және ол бактерияларға қарсы агенттерді тағайындағаннан кейін екі ай бойы жалғассса, аурудың тарихын мұқият жүргізу қажет. Мұндай жағдайда азитромицинмен емдеуді тоқтатқан және астасқан диареяға спецификалық ем жүргізуді қарастырған жөн.

Стрептококктік инфекциялар

Пенициллин, әдеттегідей, стрептококктік пиогинезбен байланысты фарингитті/тонзиллитті емдеуге арналған, сондай-ақ ревматизмдік қызбаның профилактикасы үшін таңдау түскен алғашқы препарат болып табылады. Азитромицин ауыз-жұтқыншақта стрептококкке қарсы жалпы алғанда тиімді, бірақ жедел ревматизмдік қызбаға профилактика жасауда тиімділігін көрсететін деректер жоқ.

Бүйрек функциясының жеткіліксіздігі

Бүйрек функциясының ауыр жеткіліксіздігі бар (ШСЖ <10 мл / мин) азитромициннің жүйелік әсерінің 33%-ға артқаны байқалды.

Миастения

Азитромицинмен ем қабылдап жүрген пациенттерде миастания симптомдарының өршуі және миастения синдромының жаңадан басталуы тіркелді.

Диабет

Галактозаның жақпаушылығымен, Lapp лактаза жеткіліксіздігімен немесе глюкозо-галактоза мальабсорбциясымен байланысты сирек тұқым қуалайтын проблемалары бар пациенттер бұл дәріні қабылдамаулары тиіс. Осы дәрілік заттың құрамында күкірттің қостотығы бар, ол аса жоғары сезімталдық реакцияларына және бронхтың түйілуіне сирек әкеледі. Зиомицин таблеткалары тек пероральді түрде қолдануға ғана арналған.

Жүктілік және емшек емізу кезеңінде қолдану

Азитромициннің әсерінен шаранаға келетін зиянға ешқандай айғақтамалар табылған жоқ. Дегенмен, жүкті әйелдерде адекватты және бақыланатын зерттеулер жүргізілген жоқ. Жүктілік кезінде азитромицинді аса қажет болған жағдайда ғана қолданған жөн.

Емшек емізу

Емшек сүтіне бөлініп шығуы жөнінде деректер жоқ. Көптеген препараттар ана сүтіне бөлініп шығатын болғандықтан, егер дәрігер потенциалды пайдасы нәресте үшін потенциалды қаупінен басым болады деп санамаса ғана, оны бала емізетін әйелді емдеу үшін пайдаланбаған жөн. Емшек сүтіне бөлініп шыққаны жөнінде деректер жоқ.

Автомобильді және басқа да механизмдерді басқару қабілетіне ықпалы

Автомобильді басқару немесе басқа да механизмдерді басқару қабілетін азитромициннің бұзуы мүмкін екендігіне ешқандай дәлелдер жоқ, бірақ бас айналу, ұйқышылдық, көрудің бұлыңғырлануы сияқты жағымсыз реакциялардың болуы мүмкін екендігін ескерген жөн.

Артық дозалануы

Симптомдары: естуден қайтадан айырылу, жүректің күшті айнуы, құсу және диарея

Емі: асқазанды шаю және жалпы демеуші ем.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 250 мг дозалық 6 немесе 21 таблеткадан және 500 мг дозалық 3 таблеткадан салынған. Пішінді ұяшықты 1 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Кусум Хелткер Пвт. Лтд.,

СП 289 (А), Риико Индл. Ареа Чопанки, Бхивади (Радж.), Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Дәрі-Фарм (Қазақстан)» ЖШС Алматы қ., Достық д-лы, 117/6, «Хан Тәңірі» БО. Телефон: 295-26-50, 295-26-51 (54), Факс: 295-26-55

E-mail: Office@kusumhealthcare.kz

Қазақстан Республикасы аумағында тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)» ЖШС Алматы қ., Достық д-лы, 117/6, «Хан Тәңірі» БО. Телефон: 295-26-50, 295-26-51 (54), Факс: 295-26-55

Электронды пошта: mtt@kusumhealthcare.kz

Қалалар