Сипаттама
Дәрілік препаратты медициналық қолдану жөніндегі нұсқаулық
Саудалық атауы
Сенаде
Халықаралық патенттелмеген атауы
Жоқ
Дәрілік түрі, дозасы
Таблеткалар, 13.5 мг
Фармакотерапиялық тобы
Ас қорыту жүйесі және зат алмасу. Іш қатуды емдеуге арналған препараттар. Жанаспалы іш жүргізетін препараттар. Сенна гликозидтері.
АТХ коды А06АВ06
Қолданылуы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа немесе қосымша заттардың кез келгеніне аса жоғары сезімталдық
Қолдану кезінде қажетті сақтық шаралары
Сенадені бір мезгілде жүрек гликозидтерін, аритмияға қарсы заттарды, QT аралығын ұзартатын дәрілік заттарды, диуретиктерді, адренокортикостероидтарды немесе мия тамыры препараттарын қабылдайтын пациенттерге сақтықпен қолданып, оларға бақылау жүргізу қажет.
Барлық іш жүргізетін дәрілер сияқты, Сенадені нәжіс кептелуінен және диагностикаланбаған, жедел немесе тұрақты асқазан-ішек бұзылыстарынан зардап шегетін пациенттерге қолдануға болмайды, мысалы, егер дәрігер ұсынбаса, іштің ауыруы, жүрек айнуы және құсу, бұл симптомдар ықтимал немесе бар ішек (мықын ішегінің) бітелісінің белгілері болуы мүмкін.
Егер іш жүргізетін дәрілерді күн сайын қабылдау қажет болса, іш қатудың себебін анықтау керек. Іш жүргізетін дәрілерді ұзақ уақыт қабылдауды сақтықпен жүргізу керек.
Егер стимуляциялайтын іш жүргізетін дәрілер қысқа уақытқа қарағанда ұзақ уақыт бойы қабылданса, онда бұл ішек функциясының бұзылуына және іш жүргізетін дәрілерге деген тәуелділікке әкелуі мүмкін. Сенадені, егер емдік әсерге диетаны өзгерту немесе ішек құрамының көлемін арттыратын, іш жүргізетін дәрілер арқылы қол жеткізу мүмкін болмаған жағдайда ғана қолдану қажет.
Сенадені тоқтамаудан зардап шегетін ересектерге қолданған кезде, терінің нәжіспен ұзақ уақыт байланыста болуын болдырмау үшін төсемелерді жиі ауыстыру керек.
Басқа дәрілік препараттармен өзара әрекеттесуі
Іш жүргізетін дәрілерді ұзақ уақыт құныға пайдалану гипокалиемияға әкелуі мүмкін, ол жүрек гликозидтерінің әсерін күшейтуі және аритмияға қарсы дәрілермен, синус ырғағына қайта оралуын тудыратын факторлармен (мысалы, хинидинмен) және QT аралығының ұзаруына ықпал ететін дәрілермен өзара әрекеттесуі мүмкін.
Гипокалиемияны туындататын препараттармен (диуретиктер, адренокортикостероидтар және мия тамыры препараттары сияқты) бір мезгілде қолдану электролиттік теңгерімнің бұзылуын күшейтуі мүмкін.
Сенадені басқа дәрілік препараттарды қабылдағанға дейін немесе қабылдағаннан кейін екі сағат бойы қолдану ұсынылмайды, өйткені сеннозид басқа препараттардың сіңуін және әсер ету тиімділігін төмендетуі мүмкін.
Арнайы сақтандырулар
Дәрігердің тағайындауынсыз дәрілік затты (1 аптадан астам) ұзақ қолдану ұсынылмайды, өйткені диарея, сусыздану және тоқ ішектің атониясы дамуы мүмкін.
Бүйрек немесе бауыр жеткіліксіздігі бар пациенттерге электролиттік теңгерімнің ықтимал бұзылуына қатысты сақтық таныту керек.
Қосымша заттар
Лактоза
Таблеткалардың құрамында лактоза бар болғандықтан, бұл дәрілік затты тұқым қуалайтын лактоза көтере алмаушылығы, Лапп лактаза тапшылығына немесе глюкоза-галактоза мальабсорбциясы синдромына шалдыққан пациенттерге қолдануға болмайды.
Метилпарагидроксибензоат
Метилпарагидроксибензоат аллергиялық реакцияларды(мүмкін баяу түрін) тудыруы мүмкін.
Жүктілік немесе лактация кезінде
Жүктілік
Ұсынылған дозаларда қолданған кезде препараттың жүктілікке және шарананың дамуына жағымсыз немесе зиянды әсері туралы хабарламалар түскен жоқ.
Алайда, бірнеше антраноидтар, мысалы, эмодин және алоэ-эмодин үшін алынған геноуыттылық қаупі жөніндегі тәжірибелік деректерді ескере отырып, препаратты жүктіліктің бірінші триместрінде қолдану ұсынылмайды. Дәрігердің тағайындауы бойынша және екінші және үшінші триместрде, уақытша негізде және егер емдік әсерге тамақтану рационын өзгерту немесе ішек ішіндегісінің көлемін арттыратын агенттерді енгізу жолымен қол жеткізу мүмкін болмаса ғана аса сақтықпен қолдану қажет.
Лактация
Препаратты бала емізу кезеңінде қолдану ұсынылмайды, өйткені оның метаболиттерінің емшек сүтіне өтуі жөнінде деректер жеткіліксіз.
Белсенді метаболиттердің аздаған мөлшері емшек сүтіне өтеді. Емшек еметін нәрестелерде іш жүргізетін әсері туралы хабарланған жоқ.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат автомобильді басқару немесе механизмдермен жұмыс істеу қабілетіне әсер етпейді. Дегенмен, препаратқа жеке реакцияны тексеру қажет.
Қолдану бойынша ұсынымдар
Дозалау режимі
Ересектер және 12 жастан асқан балалар: ұйқыға жатар алдында 1 таблеткадан, сумен немесе басқа сусынмен ішіп қабылдау керек. Ең жоғары тәуліктік доза – 3 таблетка.
6 жастан 12 жасқа дейінгі балалар: ұйқыға жатар алдында ½ таблеткадан. Ең жоғары тәуліктік доза – 2 таблетка.
Енгізу әдісі мен жолы
Ішке әдетте кешкі ұйқыға жатар алдында тәулігіне бір рет қабылдайды.
Емдеу барысында таңдап алынған белгілі бір дозаны бірнеше күн қабылдаған және оны біртіндеп ½ таблеткаға дейін арттырып отырған жөн. Ең жоғары дозаға жеткеннен кейін 3 тәулік ішінде дефекация болмаған жағдайда дәрігерге қаралу қажет.
Артық дозалану жағдайында қабылдануы қажет шаралар
Симптомдары: Артық дозаланудың /құныға пайдаланудың негізгі симптомдарына іштің ауыруы және күшті диарея жатады, бұл дегидратацияға және қалпына келтіруді қажет ететін электролиттердің азаюына әкеледі. Диарея негізінен калий деңгейінің төмендеуіне әкеледі, әсіресе жүрек гликозидтерін, диуретиктерді, адренокортикостероидтарды немесе мия тамыры препараттарын бір уақытта қабылдаған жағдайда, жүрек аурулары мен бұлшықет астениясына әкелуі мүмкін.
Емі: Емдеу сұйықтықтың көп мөлшерін қабылдаумен қатар жүруі тиіс. Электролиттерді, әсіресе калийді бақылау қажет. Бұл әсіресе, егде жастағы пациенттер үшін өте маңызды. Құрамында антраноидтар бар дәрілік заттардың ұзақ уақыт артық дозалануы уытты гепатитке әкелуі мүмкін.
Дәрілік препаратты қолдану тәсілін түсіндіру үшін медициналық қызметкер кеңесіңе жүгіну жөніндегі ұсынымдар
Әдетте кешке ұйықтар алдында тәулігіне бір рет ішке қабылдайды.
Утилизациялауға ерекше талаптар жоқ.
Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Төменде келтірілген жағымсыз әсерлер органдар жүйесінің жиілігі мен класына (МЖК) сәйкес жіктелген. Жиілік санаттары MedDRA (Реттеушілік қызмет терминдерінің медициналық сөздігі) белгілеріне сәйкес анықталған: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10000 <1/1000 дейін); өте сирек (<1/10000); белгісіз (қолда бар деректер бойынша бағалау мүмкін емес).
Жиі
- аса жоғары сезімталдық реакциялары (қышыну, бөртпе, жергілікті немесе жайылған экзантема)
Тұрақты немесе ұзақ қолданған кезде:
- шаншу түрі бойынша іштің ауыруы, сұйық нәжіспен құрысулар, метеоризм, жүрек айну және құсу, әсіресе тітіркенген тоқ ішек синдромы бар пациенттерде. Алайда, бұл белгілер жеке артық дозаланғанда байқалады. Мұндай жағдайларда препарат қабылдауды тоқтату немесе дозаны төмендету талап етіледі.
- Сұйықтық пен электролит алмасуының теңгерімінің бұзылуы, бұл қайталама дегидратацияның, гипотонияның, әсіресе егде жастағы адамдарда, альбуминурияның, гематурияның және уремияның дамуына әкеледі.
- ішектің шырышты қабығының пигментациясы, ол әдетте препаратты тоқтатқанда азаяды.
- несеп метаболиттерінің рН-қа байланысты сары немесе қызғылт-қоңыр түске боялуы (препаратты тоқтату талап етілмейді).
Сирек
- артық дозаланғанда гипокалиемия
Гипокалиемия этиологиясы көп факторлы сипатқа ие: электролиттердің ішекпен тасымалдануы гипокалиемияны күшейтеді, жүрек бұзылуларына және бұлшықет босаңдығына, әсіресе қатар жүретін жүрек гликозидтерінде, диуретиктерде, плазмадағы ренин деңгейінің жоғарылауына, қайталама альдостеронизмге және сіңудің төмендеуіне әкеледі. Бұл өзгерістер, әдетте, іш жүргізетіндер тоқтатылғаннан кейін қайтымды болады.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz
Қосымша мәліметтер
Дәрілік препараттың құрамы
Бір таблетканың құрамында
белсенді зат – 15% кальций сеннозиді (13,5 мг А және В сеннозидтері сенна кальций тұзына баламалы)90.00 мг,
қосымша заттар: лактоза, жүгері крахмалы, микрокристалды целлюлоза, тазартылған тальк, метилпарагидроксибензоат, магний стеараты, натрий лаурилсульфаты, натрий кармеллозасы.
Сыртқы түрінің, иісінің, дәмінің сипаттамасы
Дөңгелек пішінді, жиектері қиғашталған беті тегіс, ашық-қоңырдан күңгірт-қоңыр түске дейін, бір жағында орталық бөлу сызығы бар және екінші жағында «CIPLA» бедерленген монограммасы бар таблеткалар.
Шығарылу түрі және қаптамасы
20 таблеткадан поливинилхлорид/полиэтилен/поливинилдихлоридті үлбірден (ПВХ/ПЭ/ПВДХ) және алюминий фольгадан жасалған пішінді ұяшықты қаптамаға салады.
25 немесе 30 пішінді қаптамадан медицинада қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды!
Сақтау шарттары
Құрғақ жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз.
Өндіруші туралы мәліметтер
«Ципла Лтд.»
Meditab Spl. Pvt. Ltd., 352, Kundaim Indl. Estate, Kundaim, Goa, 403115, Үндістан
e-mail: sajid.kalif@cipla.com
Тіркеу куәлігінің ұстаушысы
«Ципла Лтд.»
Ципла Хаус Пенинсъюла Бизнесс Парк, Ганпат Рао Кадам Марг, Лауэр Парел, Мумбаи – 400 013, Үндістан
e-mail: globalra@cipla.com
Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауаптыұйымның атауы, мекенжайы және байланыс деректері (телефон, факс, электрондық пошта)
«Adalan» ЖШС
Қазақстан Республикасы, 050057 Алматы қ., Тимирязев к-сі, 42, 23 пав., 202 кеңсе
Телефон: + (727) 269 54 59;
Ұялы телефон: +7 (701) 217-24-60; +7 (701) 217-24-57
e-mail: pv@adalan.kz
