Тауарлардың көрінісі фотосуретте көрсетілгеннен өзгеше болуы мүмкін

Римантадин СТИ 50 мг № 20 табл

540
Қолжетімділігі
Сатылымда бар
Үлгі
4603276011754
Елі
Россия
Өндіруші
Ирбитский химико-фармацев
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

Римантадин

Саудалық атауы

Римантадин

Халықаралық патенттелмеген атауы

Римантадин

Дәрілік түрі

50 мг таблеткалар

Құрамы

Бір таблетканың құрамында

белсенді зат - 50.0 мг римантадин гидрохлориді,

қосымша заттар: лактоза моногидраты, картоп крахмалы, кальций (магний) стеараты.

Сипаттамасы

Дөңгелек пішінді, тегіс беткейлі, ойығыбар, ақ түсті таблеткалар

Фармакотерапиялық тобы

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Циклдік аминдер. Римантадин.

АТХ коды J05AC02

Фармакологиялық қасиеттері

Фармакокинетикасы

Ішке қабылдағаннан кейін ішекте толық дерлік сіңеді. Сіңуі - баяу. TCmax - 1-4 сағат. Плазма ақуыздарымен байланысуы - 40%-ға жуық. Мұрын секретіндегі концентрациясы плазмадағыдан 50%-ға жоғары. Тәулігіне 1 рет 100 мг қабылдаған кездегі ең жоғары концентрация шамасы Cmax - 181 нг/мл, тәулігіне 2 рет 100 мг-ден - 416 нг/мл.

Бауырда метаболизденеді. Қан плазмасынан жартылай шығарылу кезеңі - 24-36 сағат; 90%-дан астамы бүйрек арқылы 72 сағат ішінде, негізінен метаболиттер түрінде, 15%-ы өзгермеген күйінде шығарылады.

Бүйрек жеткіліксіздігінде жартылай шығарылу кезеңі 2 есе артады. Бүйрек жеткіліксіздігі бар адамдарда және егде жастағы адамдарда, егер доза креатинин клиренсінің азаюына пропорционалды түрде түзетілмесе, уытты концентрацияларда жиналып қалуы мүмкін.

Фармакодинамикасы

Римантадин - вирусқа қарсы дәрі, адамантан туындысы; А тұмауы вирусының әр түрлі штамдарына, кене энцефалиті вирустарына қатысты тиімді. Уыттануға қарсы және иммунитет модуляциялайтын әсері бар.

Полимерлі құрылымы организмде римантадиннің ұзақ айналымда болуын қамтамасыз етеді, бұл оны тек емдік мақсатта ғана емес, аурудың алдын алу мақсатында да қолдануға мүмкіндік береді. Спецификалық көбеюдің ерте сатысын басады (вирус жасушаға енгеннен кейін және РНҚ-ның бастапқы транскрипциясына дейін), жасушадан вирустық бөлшектердің шығуын бәсеңдетеді, яғни вирустық геном транскрипциясын үзеді; альфа және гамма интерферондары өндірілуін индукциялайды, лимфоциттер - табиғи киллерлер (NK-жасушалар), T- және B-лимфоциттер функционалдық белсенділігін арттырады.

Қолданылуы

  • ересектерде және 7 жастан асқан балаларда тұмауды ерте сатысында
  • адамантан тобының туындыларына және препараттың қосымша компоненттеріне асажоғары сезімталдық
  • жедел бауыр жеткіліксіздігі
  • бүйрек жеткіліксіздігі
  • тиреотоксикоз
  • жүктілік, лактация кезеңі
  • 7 жасқа дейінгі балалар

емдеу және профилактикасында

- эпидемия кезеңінде ересектерде тұмаудың профилактикасы үшін

Қолдану тәсілі және дозалары

Римантадинді тамақтанғаннан кейін судың жеткілікті мөлшерімен ішіп қабылдау керек.

Препарат қолдануды тұмаудың алғашқы симптомдары пайда болғаннан кейін бірден бастау қажет. Емдік әсері егер оны қолдану алғашқы 48 сағат ішінде басталған болса, барынша айқын болады.

Тұмауды емдеу

Ересектер: күніне 2 таблеткадан (100 мг) 2 рет.

Егде жастағы (65 жастан асқан) пациенттер: күніне 2 таблеткадан (100 мг) бір рет.

Балалар: 7-ден 10 жасқа дейінгілер күніне 1 таблеткадан (50 мг) екі рет, 11-ден 14 жасқа дейінгілер - күніне 1 таблеткадан (50 мг) үш рет, 14 жастан асқандар – ересектерге арналған доза.

Емдеу курсының ұзақтығы 5 күнді құрайды.

Тұмау профилактикасында:

Препаратты тұмау эпидемиясы басталған кезеңнен бастап қолдану керек. Оны тұмау эпидемиясы кезеңінде қолдану керек, бірақ 2 аптадан көп емес.

Ересектер: күніне 2 таблеткадан (100 мг) екі рет.

Егде жастағы тұлғалар және асқыну қаупі жоғары пациенттер: күніне 2 таблеткадан (100 мг) бір рет.

Бауыр функциясының бұзылуы бар пациенттер

Бауыр функциясының бұзылуы ауыр жағдайда препаратты қолдануға болмайды. Бауыр функциясының бұзылуы жеңіл немесе орташа дәрежедегі ауыртпалығы бар пациенттер препаратты қолданардың алдында дәрігерден кеңес алу, ал қажет болған жағдайда дозаны түзету керек: күніне 100 мг бір рет. Бұл топтағы пациенттерді бақылауға алу керек.

Бүйрек функциясының бұзылуы бар пациенттер

Бүйрек функциясының бұзылуы ауыр жағдайда препаратты қолдануға болмайды. Бүйрек функциясының бұзылуы жеңіл немесе орташа дәрежедегі ауыртпалығы бар пациенттер препаратты қолданардың алдында дәрігерден кеңес алу, ал қажет болған жағдайда дозаны түзету керек: күніне 100 мг бір рет. Бұл топтағы пациенттерді бақылауға алу керек.

Жағымсыз әсерлері

Даму жиілігі бойынша жағымсыз реакциялар жіктеуі:

өте жиі (≥ 1/10); жиі (≥ 1/100 < 1/10 дейін); жиі емес (≥ 1/1000 < 1/100 дейін); сирек (≥ 1/10 000 < 1/1000 дейін); өте сирек (< 1/10 000); байқалу жиілігі белгісіз ( бар деректер бойынша анықтау мүмкін емес).

Жиі

- ұйқысыздық

- жүрек айнуы, құсу

Жиі емес

- депрессия, эйфория, елестеулер

- бас айналуы, бас ауыруы, жоғары қозғыштық, зейін қоюдың бұзылуы, атаксия, ұйқышылдық, гиперкинез, тремор, үрей

- құлақтағы шуыл, дәм мен иіс сезудің өзгеруі

- жүрек қағуы, жүрек жеткіліксіздігі, жүректің бөгелуі, тахикардия

- гипертензия, цереброваскулярлы бұзылулар, естен тану

- ентігу, бронх түйілуі, жөтел

- тәбеттің болмауы, ауыздың кеберсігенін сезіну, іштің ауыруы, диарея, диспепсия

- тері бөртпесі

- астения, шаршағыштық

Жиілігі белгісіз

- қышыну, папулезды бөртпе, жайылған бөртпе, есекжем.

Жағымсыз әсердің жиілігі, әсіресе асқазан-ішек жолы және жүйке жүйесі тарапынан ұсынылған дозадан арттырған жағдайда артады.

Ұсынылған дозадан арттырған кезде жекелеген жағдайда көзден жастың бөлінуі, несеп шығуының жиілеуі, қызба, іш қатуы, терлеу, стоматит, гипестезия, көздің ауырғаны байқалған.

Әдетте жағымсыз әсерлері дәрілік затты қабылдауды тоқтатқаннан кейін қайтады.

Егер Сізде осы нұсқаулықта көрсетілмеген немесе айтылған жағымсыз әсерлердің қандай да бірі, әсіресе айқындылығы басым болып байқалса, дәрігерге қаралу керек

Қолдануға болмайтын жағдайлар

- тұқым қуалайтын фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

- ауыр түріндегі бауырдың ауыруы

- бүйректің ауыр және созылмалы аурулары

Сақтықпен

- артериялық гипертензия

- эпилепсия (оның ішінде анамнезде)

- ми қантамырлары атеросклерозы

Дәрілермен өзара әрекеттесуі

Парацетамол және ацетилсалицил қышқылы қан плазмасында Римантадиннің концентрациясын төмендетеді және оның тиімділігін азайтады.

Циметидин организмнен әсер етуші заттардың шығарылуын төмендетеді.

Римантадин эпилепсияға қарсы препараттардың тиімділігін төмендетеді. Адсорбенттер, тұтқыр және бүркемелейтін дәрілер Римантадиннің сіңуін азайтады.

Алкоголь тұтынудан аулақ болу керек, өйткені орталық жүйке жүйесі тарапнына жағымсыз реакциялар пайда болуы мүмкін.

Айрықша нұсқаулар

Асқазан-ішек жолы аурулары, бауыр функциясы бұзылулары, ауыр жүрек аурулары және жүрек ырғағының бұзылулары бар пациенттерге тағайындағанда сақ болу керек. Бұл жағдайларда препарат дозасын төмендету ұсынылады. Римантадинмен емдеу кезеңінде алкоголь сусындарын қабылдаудан бас тартқан жөн.

Анамнезінде эпилепсия және Римантадинді қолдану аясында құрысуға қарсы ем жүргізілгені көрсетілген жағдайда эпилепсиялық ұстаманың пайда болу қаупі жоғарылайды. Мұндай жағдайларда препарат дозасын күніне 100 мг дейін (2 таблетка) төмендетеді. Егер ұстама дамыса, Римантадин қабылдауды тоқтатады.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Римантадин көлік құралын немесе қауіптілігі зор механизмдерді басқару қабілетіне ықпал етпейді, бірақ бас айналу, бас ауыру немесе орталық жүйке жүйесі тарапынан басқа да жағымсыз әсерлер туындайтын адамдар сақ болғандары жөн.

Артық дозалануы

Симптомдары: қозу, елестеулер, аритмия.

Емі: уланған кезде тіршілікті қамтамасыз ету функцияларын демеу қажет. Орталық жүйке жүйесі тарапынан симптомдары бар артық дозалану кезінде физостигминді вена ішіне енгізу тиімді. Римантадин гемодиализде ішінара шығарылады.

Шығарылу түрі және қаптамасы

Екі жағынан полимер жабыны бар қаптамалық қағаздан жасалған пішінді ұяшықсыз қаптамада 10 таблеткадан немесе полипропилен қақпағы бар полиэтиленнен жасалған банкіде 20 таблеткадан. Медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа (топтық қаптамаға) пішінді ұяшықсыз 250 қаптамадан немесе 20 банкіден салынады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз

Өндіруші

«Эйкос-Фарм» ЖШС, Қазақстан Республикасы, Алматы облысы, Қарасай ауданы, Елтай ауылдық округі, 71 разъезд станциясы, М. Кенжин көшесі, 4/1 телім

Тіркеу куәлігінің ұстаушысы

«Эйкос-Фарм» ЖШС, Қазақстан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Эйкос-Фарм» ЖШС

Кеңсе мекенжайы: Алматы қ., Нүсіпбековк-сі, 32

тел: + 7 (727) 397 64 29, + 7 (727) 329 66 07

факс: + 7 (727) 250 71 78,

e-mail: pharm@eikos.kz

Дәріханалар

Тауар артығымен бар
Тауар аз қалды
Аптека №20
ул Конаева 62
Круглосуточно