Рибоксин 200 мг № 50 табл

Сипаттама

Дәрілік затты медициналық қолдану жөніндегі нұсқаулық

РИБОКСИН

Саудалық атауы

Рибоксин

Халықаралық патенттелмеген атауы

Инозин

Дәрілік түрі

Қабықпен қапталған таблеткалар 200 мг

Құрамы

Бір таблетканың құрамында

белсенді зат – инозин (100% затқа шаққанда) – 200 мг;

қосымша заттар: картоп крахмалы, повидон, сахароза, стеарин қышқылы, опадрай II (құрамында: поливинил спирті, ішінара гидролизденген, тальк, макрогол 3350), сары түсті пигмент бояғышы, (құрамында титанның қостотығы E 171, темірдің сары тотығы E 172,хинолинді сары негізіндегі алюминий лагы Е 104).

Сипаттамасы

Екі беті дөңес, сары түсті қабықпен қапталған таблеткалар. Көлденең қимасында екі қабаты көрінеді.

Фармакотерапиялық тобы

Жүрек-қантамыр жүйесі. Жүрек ауруларын емдеуге арналғанпрепараттар. Басқа кардиологиялық препараттар.

АТХ коды С01ЕВ

Фармакологиялық қасиеттері

Фармакокинетикасы

Препарат асқазан-ішек жолында жақсы сіңіріледі. Глюкурон қышқылын түзе және артынан оны тотықтандыра отырып, бауырда метаболизденеді. Болымсыз мөлшерде бүйрекпен шығарылады.

Фармакодинамикасы

Метаболизмдік дәрі, аденозинтрифосфаттың ізашары; гипоксияға қарсы, метаболизмдік және аритмияға қарсы әсер етеді. Миокардтағы энергетикалық теңгерімді арттырады, коронарлық қан айналымын жақсартады, бүйректің операция ішілік ишемиясы салдарын болдырмайды. Глюкоза алмасуына тікелей қатысады және гипоксия жағдайы мен аденозинтрифосфат жоқ болғанда зат алмасудың белсенділенуіне ықпал етеді. Тіндік тыныс алудың қалыпты үдерісін қамтамасыз ету үшін пирожүзім қышқылының метаболизмін белсендіреді, сондай-ақ ксантиндегидрогеназаның белсенділенуіне ықпал етеді. Нуклеотидтер синтезін көтермелейді, Кребс циклының кейбір ферменттері белсенділігін күшейтеді. Жасушаларға өте отырып, энергетикалық деңгейін жоғарылатады, миокардтағы алмасу үдерісіне оңды әсер етеді, жүректің жиырылу күшінұлғайтады және диастолада миокардтың барынша толық босаңсуына ықпал етеді, соның нәтижесінде қанның екпінді көлемі артады.

Тромбоциттер агрегациясын төмендетеді, тіндеррегенерациясын (әсіресе, миокард пен асқазан-ішек жолы шырышты қабығының) белсенді етеді.

Қолданылуы

Кешенді ем құрамында:

-ересектерге жүректің ишемиялық аурулары, миокардиодистрофия кезінде, миокард инфарктісінен кейін, жүрек гликозидтерін қолдануға байланысты жүрек ырғағының бұзылуында;

-гепатитте, циррозда, алкоголь немесе дәрілік заттар туындатқан бауырдың майлы дистрофиясында, порфирия өршуі.

Қатаң түрде дәрігердің тағайындауы бойынша қолдану керек!

Қолдану тәсілі мен дозалары

Ішке, тамақтануға дейін қабылдайды.

Ересектерге 600-2400 мг тәуліктік дозада тағайындау керек. Емді күніне 3-4 рет 200 мг қабылдаудан бастайды. Жағымсыз әсерлері болмаған жағдайларда 2-3 күннен кейін дозаны күніне 3 рет400 мг дейін көтереді. Әрбір 2-3 күндедозаны жоғарылатуды жалғастыра отырып, Рибоксинді 400 мг дозада алдымен күніне 4 рет, ал содан кейін күніне –6 рет қабылдауға көшеді. Емдеу курсы 1-3 айды құрайды.

Порфирия өршігенде препаратты күніне 4 рет 400 мг, күнделікті, 1-3 ай бойы тағайындайды.

Жағымсыз әсерлері

Иммун жүйесі, тері және тері асты шелі тарапынан: аллергиялық/ анафилаксиялық реакциялар (оның ішінде қышыну, тері гиперемиясы, есекжем, бөртпе, анафилаксиялық шок).

Зат алмасу, метаболизм тарапынан: гиперурикемия, жоғары дозада ұзақ қолданғанда подаграның өршуі мүмкін.

Жүрек-қантамыр жүйесі тарапынан: бас ауыруы, ентігу, бас айналуы, жүрек айнуы, құсу, тершеңдікпен қатар жүруі мүмкін тахикардия, артериялықгипотензия.

Басқалары: қанда несеп қышқылы деңгейінің жоғарылауы, жалпы әлсіздік.

Қолдануға болмайтын жағдайлар

- подагра;

- Рибоксинге жоғары сезімталдық;

- 2-3 дәрежедегі брадиаритмия;

- синусты түйіннің әлсіздігі cиндромы;

- WPW – синдромы, Морганьи – Адамс – Стокс симптомы;

- 18 жасқа дейінгі балалар мен жасөспірімдер.

Дәрілермен өзара әрекеттесуі

Бір мезгілде қолданғанда анаболикалық стероидтар мен стероидты емес анаболикалық дәрілердің әсерлерін күшейтеді.

Теофиллиннің бронхолитикалық әсері мен кофеиннің психостимуляциялайтын әсерін азайтады.

Алкалоидтармен үйлеспейді, олармен өзара әрекеттесу кезіндеалкалоид негізінің бөлінуі және ерімейтін қосылыстардың түзілуі жүреді.

Танинмен шөгінді түзеді.

Қышқылдармен, спирттермен, ауыр металл тұздарымен үйлеспейді. В₆ дәруменімен (пиридоксин гидрохлориді) үйлесімсіз, өйткені екі қосылыстың дезактивациясы туындайды.

Бета-адреноблокаторлармен қабылдаған кезде Рибоксин әсері азаймайды.

Жүрек гликозидтерімен үйлесімде препарат аритмияның пайда болуына жол бермейді және инотропты әсерін күшейтеді.

Рибоксин гепариннің әсерін күшейтеді, оның әсерінің ұзақтығынарттырады.

Гипоуремиялық дәрілермен бірге қолдану олардың әсерін бәсеңдетеді.

Нитроглицеринмен, нифедипинмен, фуросемидпен, спиронолактонмен бір мезгілде қолдануға болады.

Айрықша нұсқаулар

Бүйрек жеткіліксіздігі кезінде күтілетін жағымды әсері дәрігердің пікірі бойынша ықтимал қаупінен асып түскенде ғана препаратты қолдануға болады.

Емдеу кезінде қандағы несеп қышқылы деңгейін ұдайы бақылап отыру керек.

Дәрілік заттың құрамында қант ұнтағы бар, осының қант диабетімен науқастар ескерулері керек.

Рибоксин жүрек қызметінің бұзылуларын шұғыл түзету үшін қолданылмайды.

Қышыну және тері гиперемиясы кезінде препарат қолдануды тоқтату керек.

Осы дәрілік заттты сирек туа біткен фруктоза жақпаушылығы немесе глюкоза-галактоза мальабсорбциясы бар пациенттерге қолдануға болмайды.

Педиатриялық тәжірибеде қолдану

Деректер болмауына байланысты дәрілік заттарды 18 жасқа дейінгі балаларға қолдану ұсынылмайды.

Жүктілік және лактация кезеңі

Рибоксин жүктілік және лактация кезеңінде пайда/қаупін ескеріптағайындалады.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері.

Рибоксинді қабылдаупациенттің көлік құралын басқару немесе басқа да операторлық қызметтермен айналысу қабілетіне әсер етпейді.

Артық дозалануы

Жекелей жақпаушылық белгілері болған жағдайда дәрілік затты қабылдауды тоқтатады және десенсибилизациялайтын ем жүргізеді. Қандағы несеп қышқылы деңгейі жоғарылауы мүмкін, ол подаграмен ауруларда препаратты қабылдауды тоқтатуды қажет ететін асқынуға әкеледі.

Шығарылу түрі және қаптамасы

10 таблеткадан поливинилхлоридті үлбірден немесе дәрілік препараттарды қаптауға арналған пластикатталмаған ПВХ үлбірден немесе алюминий фольга негізіндегі икемді қаптамадан немесе баспалы лакталған алюминий фольга немесе фольга негізіндегі біріктірілген материалдан жасалған пішінді ұяшықты қаптамада.

5 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге хром-эрзац картоннан немесе целлюлоза картоннан жасалған қорапшаға салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы.

Өндіруші

«Борисов медициналық препараттар зауыты» ашық акционерлік қоғамы («БМПЗ» ААҚ), Беларусь Республикасы, Минск обл., Борисов қ., Чапаев к-сі, 64, тел/факс 8-(10375177)734043.

Тіркеу куәлігінің иесі

«Борисов медициналық препараттар зауыты» ашық акционерлік қоғамы («БМПЗ» ААҚ), Беларусь Республикасы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

Қазақстан Республикасы, 050026. Алматы қ., Нұрмақов к-сі 26/195, 39-пәтер, «МедФарм» ЖК, тел/факс: +7 (727) 2911 198, тел: +7 777 7040709,+7 777 2306494; Е-mail: pvqa-bzmp-kz@mail.ru

Дәріханалар

Қалалар