Нейроксон 1000 мг/мл, 4 мл, №10, р-р для инъекций

Сипаттама

Саудалық атауы

Нейроксон^®

Халықаралық патенттелмеген атауы

Цитиколин

Дәрілік түрі

Вена ішіне, бұлшықет ішіне енгізуге арналған ерітінді 500 мг/4 мл немесе 1000 мг/4 мл

Құрамы

1 ампула препараттың құрамында:

белсенді зат: натрий цитиколині 522,5 мг немесе 1045,0 мг (500,0 мг немесе 1000,0 мг цитиколинге шаққанда).

қосымша зат: инъекцияға арналған су.

Сипаттамасы

Мөлдір түссіз сұйықтық.

Фармакотерапиялық тобы

Жүйке жүйесі. Психоаналептиктер. Психостимуляторлар, зейін тапшылығы синдромы және аса жоғары белсенділік (ЗТБС) кезінде қолданылатын дәрілер,ноотропты дәрілер. Басқа психостимуляциялаушы жәненоотропты дәрілер. Цитиколин.

АТХ коды N06BX06.

Фармакологиялық қасиеттері

Фармакокинетикасы

Препаратты енгізгеннен кейін қан плазмасындағы холиндер деңгейінің едәуір артуы байқалады. Препарат холин мен цитидин түзумен ішекте және бауырда метаболизденеді.

Цитиколинді енгізгеннен кейін құрылымды фосфолипидтерге холин фракцияларын және цитидин фракцияларын цитидинді нуклеотидтерге және нуклеинді қышқылдарға жылдам енгізумен ми құрылымдарында кеңінен таралады. Мида цитиколин фосфолипидті фракциялар құрылымына интеграциялана отырып, жасушалы, цитоплазмалық және митохондриялы жарғақшаларға орналасады.

Дозаның аздаған мөлшері ғана несеп пен нәжістен анықталады (3 %-дан кемі). Дозаның шамамен 12 %-ы деммен шығарылған СО₂ бірге шығарылады. Препарат несеппен шығарылуының екі фазасы: бірінші фаза – 36 сағат ішінде, онда шығарылу жылдамдығы тез азаяды, және екінші фаза – мұнда шығарылу жылдамдығы едәуір баяу азаяды. Мұндай фазалылығы тыныс алу жолдары арқылы шығарылған кезде байқалады. СО₂ шығарылу жылдамдығы жылдам азаяды, шамамен 15 сағат ішінде, содан соң – баяуырақ төмендейді.

Фармакодинамикасы

Цитиколин нейрондар жарғақшасында құрылымды фосфолипидтердің биосинтезін ынталандырады, ол магнитті-резонанстық спектроскопия деректерімен расталған. Осындай әсер ету механизміне орай, цитиколин модуляциясы жүйке импульстерінің қалыпты өтуі үшін қажетті ионалмасу сорғылары мен рецепторларының жұмысы сияқты жарғақшалы механизмдердің жұмыс істеуін жақсартады.

Цитиколин нейрондар жарғақшасына тұрақтандырғыш әсеріне байланысты, ол ми ісінуінің азаюына ықпал ететін ісінуге қарсы қасиет танытады.

Цитиколин кейбір фосфолипаздардың (А1, А2, С және D) белсенділенуін тежейді, бос радикалдардың пайда болуын азайтады, жарғақшалы жүйелердің бұзылуына жол бермейді және глутатион сияқты антиоксидантты қорғаныс жүйелерін сақтайды.

Цитиколин нейрондар қуатының қорын сақтайды, апоптозды тежейді жәнеацетилхолин синтезін ынталандырады.

Сонымен қатар, цитиколин мидың фокальді ишемиясында профилактикалық нейропротекторлы әсер етеді.

Цитиколин ми қан айналымының жедел ишемиялық бұзылуы бар пациенттердефункционалды қалпына келуді нақты арттырады, бұл нейровизуализация деректері бойынша мидың ишемиялық зақымдануының көлемі артуының баяулауымен қатар келеді.

Бассүйек-ми жарақаты бар пациенттерде цитиколин қалпына келуді жеделдетеді және жарақаттан кейінгі синдромның ұзақтығын және қарқындылығын азайтады.

Цитиколин зейін қою мен сана деңгейін, ми ишемиясымен байланысты когнитивті және неврологиялық бұзылуларды жақсартады, амнезия белгілерінің азаюына ықпал етеді.

Қолданылуы

- инсульт, ми қан айналымы бұзылуларының жедел фазасында және ми қан айналымы бұзылуларының асқынулары мен салдарын емдеуде

- бассүйек ми жарақаты және оның неврологиялық салдарында.

- созылмалы қантамырлық және дегенеративтік церебральді бұзылыстар салдарынан когнитивті бұзылулар мен мінез-құлықтың бұзылуында.

Қолдану тәсілі және дозалары

Ересектер үшін ұсынылатын доза симптомдар ауырлығына қарай тәулігіне 500 мг бастап 2000 мг дейінді құрайды.

Препаратты бұлшықет ішіне немесе вена ішіне қолдануға тағайындау керек.

Препаратты вена ішіне инъекция түрінде (3-5 минут бойы, енгізілген дозаға байланысты) немесе тамшылатып (жылдамдығы: минутына 40-60 тамшы) баяу енгізуге болады.

Ең жоғары тәуліктік дозасы – 2000 мг.

Емдеу мерзімі ауру ағымына байланысты және оны дәрігер белгілейді. Егде жастағы пациенттерге дозаны түзетудің қажеті жоқ.

Инъекцияға арналған ерітінді тек бір реттік қолдануға арналған. Препаратты ампуланы ашқаннан кейін бірден қолдану керек. Препараттың қалдығын жою қажет. Препаратты вена ішіне енгізуге арналған барлық изотониялық ерітінділермен, сондай-ақ глюкозаның гипертониялық ерітіндісімен араластыруға болады.

Қажеттілік жағдайында емдеуді ішуге арналған ерітінді түріндегі препаратпен жалғастырады.

Жағымсыз реакциялар

Бірлі-жарым жағдайларды қосқанда, жағымсыз реакциялар өте сирек (<1/10 000) туындайды.

Орталық және шеткері жүйке жүйесі тарапынан: бас ауыруы, вертиго, елестеулер.

Жүрек-қантамыр жүйесі тарапынан: артериялық гипертензия, артериялық гипотензия, тахикардия.

Тыныс алу жүйесі тарапынан: ентігу.

Ас қортыу жолдары тарапынан: жүрек айнуы, құсу, диарея.

Иммун жүйесі тарапынан: аллергиялық реакциялар, оның ішінде: бөртпе, гиперемия, экзантема, есекжем, қанталап бөрту, қышыну, ангионевроздық ісіну, анафилаксиялық шок.

Жалпы реакциялар: қалтырау, енгізген орындағы өзгерістер.

Қолдануға болмайтын жағдайлар

• цитиколинге немесе препарат компоненттеріне жоғары сезімталдық
• парасимпатикалық жүйке жүйесі тонусының жоғарылауы
• жүктілік және лактация кезеңі
• 18 жасқа дейінгі балалар мен жасөспірімдер

Дәрілермен өзара әрекеттесуі

Цитиколин леводопаның әсерін күшейтеді. Құрамында меклофеноксат бар дәрілік заттармен бір мезгілде тағайындауға болмайды.

Айрықша нұсқаулар

Вена ішіне қолданған жағдайда препаратты баяу енгізу керек (енгізілетін дозаға байланысты 3-5 минут бойы).

Вена ішіне тамшылатып қолданған жағдайда енгізу жылдамдығы минутына 40-60 тамшыны құрауы тиіс.

Тұрақты бассүйекішілік қан құйылу жағдайында дозаны тәулігіне 1000 мг асырмаған жөн және вена ішіне енгізу жылдамдығы минутына 30 тамшы.

Педиатрияда қолдану

Препаратты балаларға қолдану тәжірибесі шектеулі.

Жүктілік немесе лактация кезінде

Цитиколинді жүкті әйелдерде қолдану жайлы жеткілікті деректер жоқ. Цитиколиннің ана сүтіне шығарылуы туралы деректер және оның шаранаға әсері туралы белгісіз. Сондықтан жүктілік немесе бала емізу кезінде анаға дегенкүтілетін пайдасы шаранаға зор қауіптен жоғары болған жағдайда ғана препаратты тағайындауға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жекелеген жағдайларда жүйке жүйесі тарапынан болған кейбір жағымсыз реакциялар автокөлік басқару немесе күрделі механизмдермен жұмыс істеу қабілетіне әсер етуі мүмкін.

Артық дозалануы

Артық дозалану жағдайлары туралы хабарланбаған.

Шығарылу түрі және қаптамасы

4 мл сақинасы немесе сындыру нүктесі бар сыйымдылығы 5 мл ампулада.

5 ампуладан пішінді ұяшықты қаптамаға немесе 5 ампуладан үлбірмен қапталған пішінді ұяшықты қаптамаға салады.

2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге қорапшаға салынады.

Сақтау шарттары

Түпнұсқалық қаптамасында, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы.

Өндіруші

«Галичфарм» ЖАҚ, Украина, 79024, Львов қ., Опрышковская к-сі, 6/8.

Тіркеу куәлігінің иесі

«Галичфарм» ЖАҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Фармамед СҮ» ЖШС,

Алматы қ., Ходжанов к-сі, 67 ғимарат, 4а т.е.

Тел.: +7 (727) 344-99-05/06

E-mail: Almaty@pharmamed-arterium.kz

Қалалар