Мукоплант сироп от кашля с плющом 250 мл

Сипаттама

Дәрілік затты медициналық қолдану

жөніндегі нұсқаулық

Мукоплант жөтелге қарсы шырмауықты шәрбат

Саудалық атауы

Мукоплант жөтелге қарсы шырмауықты шәрбат

Халықаралық патенттелмеген атауы

Жоқ

Дәрілік түрі

Шәрбат 154 мг/100 мл

Құрамы

1 г препарат құрамында

¹ - 30% (м/м) этанолмен экстрагирленген шырмауық жапырағынан (Hedera helix L.) дайындалған

Сипаттамасы

Қарақатқа тән иісі бар, қоңырқай-сары түсті аздап бұлыңғыр ерітінді.

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Қақырық түсіретін препараттар. Шырмауық жапырақтары экстрактісі.

АТX коды R05CA12

Фармакологиялық қасиеттері

Фармакокинетикасы

Фармакокинетикасы және биожетімділігі бойынша зерттеу деректері жеткіліксіз.

Фармакодинамикасы

Шырмауық жапырағынан алынған препараттар негізінен секретолитикалық және бронхоспазмдық әсерлеріне байланысты тұтқыр шырыштың гиперсекрециясымен және жөтелмен сипатталатын респираторлық ауруларды емдеуде пайдаланылады. Мукоплант жөтелге қарсы шырмауықты шәрбатының құрамында шырмауық жапырағының экстрактісі бар, ол тегіс бұлшықеттің түйілуін баса отырып муколитикалық және спазмолитикалық әсер береді, осылайша өзінің бронхолитикалық әсерін көрсетеді. Сондай-ақ оның бактерияға қарсы әсері сипатталады, ол негізінен, құрамында тритерпендік сапониндердің болуына байланысты жүзеге асады. Негізгі құрамдастары көбінесе альфа-хедерин және С хедераказиді болып табылады.

Қолда бар деректерге сәйкес бронходилатация бета-2-адренорецептор арқылы негізделеді. α-хедерин бета-2-адренорецепторлар белсенділігінің жоғарылауына әкеледі және осылайша бронх кеңейткіш әсер етеді және беткейлік-белсенді заттардың өндірілуін күшейтеді, бұл секрет тұтқырлығының төмендеуіне және оның тыныс алу жолдарынан шығуын жеңілдетуге әкеледі. Қақырық түсіретін әсері асқазан шырышының тітіркенуімен байланысты, бұл бронх бездері жұмысының парасимпатикалық жүйке жүйесінің сенсорлық талшықтары арқылы рефлекторлық күшеюін туындатады.

Қолданылуы

- өнімді жөтел кезінде қақырық түсіретін дәрі ретінде

Қолдану тәсілі және дозалары

Ішке қабылдауға арналған. Препаратты тамақтануға байланыссыз сұйылтылмаған күйде қабылдау керек.

Препаратты қабылдау кезеңінде күні бойы судың немесе жылы кофеинсіз сусынның көп мөлшерін қабылдау ұсынылады.

Ересектержәне 12 жастан асқан жасөспірімдерге: 15 мл күніне үш рет (бұл тәулігіне 69,30 мг шырмауық жапырақтары құрғақ экстрактісіне сәйкес)

6-дан 11 жасқа дейінгі балаларға: 15 мл күніне екі рет (бұл тәулігіне 46,20 мг шырмауық жапырақтары құрғақ экстрактісіне сәйкес)

2-ден 5 жасқа дейінгі балалар: 10 мл (бұл тәулігіне 30,80 мг шырмауық жапырақтары құрғақ экстрактісіне сәйкес) күніне екі рет

Пайдалану ұзақтығы

Егер дәрілік затты қолдану аясында симптомдар бір аптадан артық сақталатын болса, дәрігермен кеңескен жөн.

Жағымсыз әсерлері

Жағымсыз әсерлері кездесу жиілігі ретімен мынадай топтарға жіктеледі:

Өте жиі: (≥1/10),

Жиі: (≥1/100 <1/10),

Жиі емес: (≥1/1000 <1/100),

Сирек: (≥1/10000 <1/1000),

Өте сирек: (<1/10000).

Белгісіз: Жиілігі қолда бар деректер негізінде бағалануы мүмкін емес.

Жиі емес

- асқазан-ішек жолы тарапынан бұзылулар (жүрек айну, құсу, диарея)

- аллергиялық реакциялар (есекжем, тері бөртпесі, ентігу, анафилаксиялық реакция)

Қолдануға болмайтын жағдайлар

- шырмауық жапырақтары экстрактісіне, Аралий тұқымдас өсімдіктеріне немесе препараттың басқа компоненттеріне жоғары сезімталдық

- 2 жасқа дейінгі балаларға, препараттың секретолитикалық қасиеттерімен байланысты тыныс алу симптомдарының нашарлау қаупіне қатысты

Дәрілермен өзара әрекеттесуі

Басқа дәрілік заттармен өзара әрекеттесуі туралы деректер жоқ, алайда егер шәрбатпен бір уақытта немесе оның алдында біраз бұрын қандай да бір дәрілік препараттар қабылдасаңыз өз дәрігеріңізге міндетті түрде хабарлаңыз.

Айрықша нұсқаулар

- егер ауру симптомдары жоғалмаса немесе ентігу, дене температурасының жоғарылауы, сондай-ақ жөтелген кезде іріңді немесе қанды қақырық пайда болса, дереу дәрігермен кеңесу керек

- 2-4 жастағы балаларда қолдану дәрігердің ұсынымдарын қажет етеді

- АІЖ аурулары (гастрит, асқазанның ойықжаралы ауруы және т.б.) бар пациенттер сақтықпен қабылдауы керек

- препарат қабылдауды жіберіп алғанда қосарлы дозаны қабылдауға болмайды

- тұқым қуалайтын фруктоза жақпаушылығы бар пациенттерге Мукоплант жөтелге қарсы шырмауықты шәрбатын қабылдамаған жөн

- 10 мл шәрбат құрамында 4 г мальтитол ерітіндісі бар, бұл шамамен 0,3 нан бірлігіне сай келеді. Бұл ақпарат қант диабетімен зардап шегетін адамдар үшін маңызды. Калория мөлшері 2.3 ккал/г мальтитол ерітіндісі

- мальтитол ерітіндісі жеңіл іш жүргізетін әсерге ие
- егер препаратты пайдалану уақытында симптомдар бір аптадан артық сақталса дәрігермен кеңескен жөн

- егер әсері тым күшті немесе тым әлсіз көрінсе дәрігермен кеңесіңіз.

Жүктілік және лактация кезеңі

Мукоплант жөтелге қарсы шырмауықты шәрбатын жүкті және бала емізетін әйелдерге қолдану ұсынылмайды, өйткені шырмауық жапырағының құрғақ экстрактісін жүкті және бала емізетін әйелдерге пайдалану туралы деректер жеткіліксіз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Көлік құралын немесе қауіптілігі зор механизмдерді басқару қабілетіне әсері туралы ешқандай зерттеулер жүргізілмеген.

Мукоплант жөтелге қарсы шырмауықты шәрбатының көлік құралын немесе қауіптілігі зор механизмдерді басқару қабілетіне әсер ету мүмкіндігі туралы хабарланбаған.

Артық дозалануы

Препаратты үш еселенген тәуліктік дозадан асып түсетін үлкен мөлшерде қабылдау жүрек айнуы, құсу, диарея және қозу сезімін туғызуы мүмкін.

Емі: Симптоматикалық.

Шығарылу түрі және қаптамасы

100 немесе 250 мл препараттан тығыздығы жоғары полиэтиленнен жасалған алғашқы ашылуы бақыланатын сақинасы бар бұралмалы қақпағы бар, қоңыр түсті III типті шыны бөтелкеге салынады.

Бір бөтелкеден және өлшеуіш стақаннан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау шарттары

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны алғаш ашқаннан кейінгі препараттың сақтау мерзімі - 6 апта.Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецептісіз

Өндіруші

Др. Тайсс Натурварен ГмбХ,

Михелинштрассе 10, 66424 Хомбург, Германия

Тел./факс: + 49-6841-709-0/+ 49-6841-709-265

Тіркеу куәлігінің ұстаушысы

Др. Тайсс Натурварен ГмбХ, Германия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Натусана» ЖШС, 050046, Алматы қ., Ислам Каримов к-сі, 198 үй

Тел./факс: 8 (727) 268-31-66

Дәріханалар

Қалалар