Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Келтикан с раст-лем 2 мл № 3 амп

Қолжетімділігі
Тауар қолда жоқ
Үлгі
8433042012779
Елі
Австрия
Өндіруші
Takeda Osteuropa Holding GmbH
  • Сипаттама

Сипаттама

Дәрілік затты медициналық қолдану

жөніндегі нұсқаулық

Келтикан®

Саудалық атауы

Келтикан®

Халықаралық патенттелмеген атауы

Жоқ

Дәрілік түрі

Инъекция үшін ерітінді дайындауға арналған лиофилизацияланған ұнтақ еріткішімен жиынтықта

Құрамы

Бір ампуланың құрамында

белсенді заттар:цитидин -5´-динатрий монофосфаты 10.00 мг

уридин- 5´-тринатрий трифосфаты,

уридин - 5´-динатрий дифосфаты,

уридин - 5´-динатрий монофосфаты (барлығы)6.00 мг

(уридинге баламалы) 2.66 мг,

қосымша зат – маннитол,

еріткіштің құрамы: натрий хлориді, инъекцияға арналған су.

Сипаттамасы

Пастилка түріндегі лиофилизацияланған гигроскопиялы ақ түсті ұнтақ. Еріткіш – иісі жоқ мөлдір түссіз ерітінді.

Фармакотерапиялық тобы

Жүйке жүйесі. Жүйке жүйесі ауруларын емдеуге арналған басқа препараттар. Жүйке жүйесі ауруларын емдеуге арналған басқа да препараттар.

ATХ коды N07XX

Фармакологиялық қасиеттері

Фармакокинетикасы

Келтикан® екі нуклеотид – цитидин монофосфаты мен уридин монофосфатының біріктірілімі болып табылады. Бұл нуклеотидтер организмде болады, сондықтан типтік фармакокинетикалық зерттеулер жүргізу мүмкін емес.

Фармакодинамикасы

Келтикан® организмді миелинді қабықтың негізгі компоненттері - сфингомиелин және глицерофосфолипидтерді құрайтын фосфатидті қышқылмен және жүйке қабықшаларының қалыптасуы үшін кераминмен моносахаридтерді біріктіруге қажетті фосфатты топтармен қамтамасыз етеді. Осылайша, аксондық жүйке талшықтарының толығырақ жетілуі және регенерациясы, төзімді трофикалық әсер қамтамасыз етіледі. Осының салдарынан аксонның зақымданған жерінің қабынуы азаяды және сезімталдығы қалпына келеді, ол аксондық тасымалданудың қалпына келуіне ықпал етеді.

Қолданылуы

  • радикулиттерде (люмбаго, люмбалгия, люмбоишиалгия)
  • диабеттік полиневропатияда
  • алкогольдік полиневриттерде
  • белдемелі теміреткіде, ганглионитте
  • үшкіл жүйке невралгиясында
  • бет және қабырға аралық жүйкелер невропатиясында
  • плекситтерде

( невралгиясында)

Қолдану тәсілі және дозалары

Келтикан® инъекциялары бұлшықет ішіне енгізіледі.

Еріткіші бар ампуланың ішіндегісін ұнтағы бар ампулаға қосу қажет, толық ерігенге дейін араластырады.

Ересектер: 1 инъекция (2 мл) күніне 1 рет.

Балаларға 2 жастан бастап: 1 мл ерітінді (1/2 ампула) күніне 1 рет немесе 1 инъекция (2 мл) 2 күнде 1 рет.

Емдеу ұзақтығын пациенттің жай-күйіне және емдеуге реакциясына байланысты дәрігер белгілейді.

Жағымсыз әсерлері

Аллергиялық реакциялар пайда болуы мүмкін, қандай да бір жағымсыз құбылыстар пайда болған кезде қабылдауды тоқтату және міндетті түрде дәрігерге көріну керек.

Қолдануға болмайтын жағдайлар

  • препарат компоненттеріне жоғары сезімталдық.
  • 2 жасқа дейінгі балалар

Дәрілермен өзара әрекеттесуі

Анықталмаған

Айрықша нұсқаулар

Жүктілік және лактация кезеңі

Жүктілік және лактация кезеңінде препараттың қолданылуы анықталмаған.

Жүкті әйелдерге және лактация кезеңінде әйелдерге, егер ана үшін күтілетін пайдасы шаранаға/ балаға төнетін ықтимал қауіптен асып түсетін жағдайда ғана, препаратты тағайындаған жөн.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: Артық дозалану жағдайлары белгісіз.

Емі: симптоматикалық ем.

Шығарылу түрі және қаптамасы

Лиофилизацияланған ұнтақ жиек түріндегі кертігі бар күңгірт-сары түсті шыны ампулаға салынады. 2 мл еріткіштен жиек түріндегі кертігі бар түссіз шыны ампулаға құйылады.

Препараты бар 3 ампула және еріткіші бар 3 ампуладан пішінді ұяшықты қаптамаға салынады.

1 ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/қаптаушы

Феррер Интернасьональ, С.А., Барселона, Испания

Тіркеу куәлігінің ұстаушысы

Феррер Интернасьональ, С.А., Испания

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Такеда Қазақстан» ЖШС

Алматы қ., Шашкин к-сі 44

Телефон нөмірі (727) 2444004

Факс нөмірі (727) 2444005

Электронды пошта DSO-KZ@takeda.com