Футарон 1%, 5 г, гл. капли

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Футарон

Халықаралық патенттелмеген атауы

Фузид қышқылы

Дәрілік түрі, дозасы

Көзге тамызатын дәрі 1 %

Фармакотерапиялық тобы

Сезім ағзалары. Офтальмологиялық препараттар. Микробқа қарсы препараттар. Антибиотиктер. Фузид қышқылы.

АТХ коды S01AA13

Қолданылуы

Футарон фузид қышқылына сезімтал микроорганизмдерден туындаған көздің бактериялық инфекцияларын емдеуге арналған.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

- фузид қышқылына немесе препараттың басқа компоненттеріне жоғары сезімталдық

Басқа дәрілік препараттармен өзара әрекеттесуі

Өзара әрекеттесуге зерттеулер жүргізілген жоқ. Көзге тамызатын дәрі түрінде жергілікті қолданғанда қан плазмасында фузид қышқылының елеусіз концентрациясы байқалады, сондықтан жүйелі дәрілік өзара әрекеттесу ықтималдығы төмен.

Арнайы ескертулер

Препаратты қолданған кезде бактерияға қарсы дәрілердің тиісінше қолдану жөніндегі ресми ұсынымдардын ескеру керек.

Микроорганизмдердегі фузид қышқылына резистенттіліктің даму жағдайлары туралы хабарланды.Басқа антибиотиктерді қолдану кезіндегідей, дәрілік затты ұзақ немесе қайталап пайдаланған кезде микроорганизмдердегі резистенттіліктің даму қаупі артады.

Футаронмен емдеу кезінде жанаспалы линзаларды тағу ұсынылмайды, өйткені фузид қышқылының микрокристалдары линзаларда немесе мөлдір қабықта сызаттар пайда болуын тудыруы мүмкін. Жанаспалы линзаларды емді тоқтатқаннан кейін 12 сағаттан кейін тағуға болады.

Футаронды басқа офтальмологиялық препараттармен бірге пайдалану қажет болған жағдайда инстилляциялар арасындағы аралық кемінде 5 минутты құрауы тиіс. Көз жақпамайларын соңғы кезекте қолдану керек.

Ерітіндінің микроорганизмдермен ластануының алдын алу мақсатында тамшылатқыш ұштығының қандай да бір беткейлермен жанасуын болдырмау керек.

Футарон құрамында бензалконий хлориді консерванты бар, ол, әсіресе көздің құрғауы синдромы немесе мөлдір қабақтың зақымдануы бар пациенттерде көздің тітіркенуін тудыруы мүмкін. Егер препаратты қолданғаннан кейін өзгеше сезім, шаншу немесе көздің ауыруы пайда болса, дәрігерге жүгіну керек.

Бензалконий хлориді жұмсақ жанаспалы линзалармен сіңірліп, жанаспалы линзалардың түсін өзгерте алады.

Жүктілік немесе лактация кезінде

Жүктілік және лактация кезеңінде (бала емізуде) препаратты қолданудың жеткілікті тәжірибесі жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлік жүргізу және механизмдерді басқару қабілетіне әсер етпейді немесе елеусіз әсер етеді.Дегенмен, препаратты қолданған кезде көру жітілігі бұзылуы мүмкін, оны назарда ұстау керек.

Қолдану бойынша ұсынымдар

Дозалау режимі

Жергілікті қолдануға арналған.

Зақымданған көзге 1 тамшыдан тәулігіне 2 рет тамызады.

Емді ауру симптомдары жоғалғаннан кейін кемінде 48 сағат жалғастыру керек.

Артық дозаланғанда қабылдануы қажет шаралар

Көзге тамызатын дәрі түрінде қолданған кезде фузид қышқылымен артық дозалануы туралы мәліметтер жоқ.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- көру жітілігінің бұзылуы (өтпелі)

- көздің ауыруы (күйдіру және түйілуді қоса алғанда), көздегі қышыну; көздегі тітіркену/ жайсыздық

Жиі емес

- аса жоғары сезімталдық

- қабақтың ісінуі, жастың ағуы

- ангионевроздық ісіну, бөртпе

Сирек

- конъюнктивиттің өршуі

- есекжем

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г препараттың құрамында

белсенді зат - фузид қышқылы (микрондалған), фузид қышқылы гемигидратына баламалы, 10,0 мг.

Қосымша заттар: динатрий эдетаты, маннит, карбомер 940, трометамол, бензалконий хлориді 50 %, инъекцияға арналған су.

Сыртқы түрінің, иісінің, дәмінің сипаттамасы

Ақ немесе ақ дерлік түсті біртекті тұтқыр суспензия.

Шығарылу түрі және қаптамасы

5 г препараттан қорғағыш сақинасымен жабдықталған, бұралып жабылатын қорғағыш қалпақшасы және тамшылатқыш-тығыны бар пластик құтыға құйылған.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

30°С-ден жоғары емес температурада сақтау керек.

Құтыны ашқаннан кейін препаратты 30 күн ішінде пайдалану керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

«Уорлд Медицин Илач Сан. ве Тидж. А.Ш.», Түркия

15 Теммуз Мах., Джами Йолу Джад. № 50, Гюнешли / Багджылар, Стамбул

Телефон: +90 (212) 474 70 50

Факс: +90 (212) 474 09 01

е-mail: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД», Грузия

Бербути к-сі, 10 / Алмасиани к-сі, 19-21, 26 (корп.II) кеңсе, Тбилиси қ-сы

Тел: + 995 32 2 21 28 12, факс: + 995 32 2 21 28 13

е-mail: worldmedicine.llc.geo@gmail.com

Қазақстан Республикасының аумағында тұтынушылардан дәрілік зат бойынша шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«WM Pharma Alliance» ЖШС, ҚР, Алматы, Түрксіб ауданы, Сүйінбай д-лы, 222 б

Тел/факс: 8 (7272) 529090

е-mail: wm_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС, Алматы, Сүйінбай д-лы 222-б

Ұялы тел +7 701 786 33 98

е-mail: pvpharma@worldmedicine.kz

Қалалар