Тауарлардың көрінісі фотосуретте көрсетілгеннен өзгеше болуы мүмкін

Афлубин 20 мл капли

Қолжетімділігі
Тауар қолда жоқ
Үлгі
9005441262018
Елі
Германия
Өндіруші
Рихард Биттнер АГ
  • Сипаттама

Сипаттама

Гомеопатиялық дәрілік препаратты медициналық

қолдану жөніндегі нұсқаулық (Қосымша парақ)

Саудалық атауы

Афлубин®

Халықаралық патенттелмеген атауы

Жоқ

Дәрілік түрі, дозалануы

Гомеопатиялық тамшылар

Фармакотерапиялық тобы

Басқа да препараттар. Басқа емдік препараттар, барлығы. Басқа дәрілік препараттар.

АТХ коды V03AX

Қолданылуы

  • тұмауда
  • жедел респираторлық вирустық инфекцияларда (ЖРВИ)
  • сілекейдің көп бөлінуі

Сондай-ақ, буын ауыруы синдромымен қатар жүретін қабыну және ревматизм ауруларының қатарлас емі ретінде.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • белсенді компоненттерге немесе қосымша заттардың кез келгеніне жоғары сезімталдық

Басқа дәрілік препараттармен өзара әрекеттесуі

Қазіргі уақытта басқа дәрілік заттармен өзара әрекеттесуі туралы ешқандай ақпарат жоқ.

Фармакодинамикалық өзара әрекеттесулері

Афлубин® – бұл бір-бірін өте тиімді толықтыратын және қолданылу аясының кеңірек болуына алып келетін, қауіпсіздігін арттыратын және ауруларды емдеу мен профилактикасын жеңілдететін бірнеше гомеопатиялық дәрінің спецификалық біріктірілімі.

Өзара әрекеттесудің басқа түрлері

Гомеопатиялық дәрілік заттың әсеріне, әдетте, өмір салтындағы зиянды факторлар, стимулияциялаушы әсері бар препараттар мен экзотикалық тамақ өнімдері жағымсыз әсер етуі мүмкін.

Арнайы ескертулер

Сақтық шаралары

Құрамында 43 % спирт бар екендігін ескере отырып, препарат маскүнем-

діктен, бауыр ауруларынан және эпилепсиядан зардап шегіп жүрген пациенттерге тағайындалмайды.

Гомеопатиялық дәрілік заттармен емдеудің басында организмнің иммундық жүйесінің стимуляциялануына байланысты, бастапқыда бұрыннан бар аурулардың өршуі орын алуы мүмкін. Бұндай жағдай қауіпті емес.

Афлубин® - тұмауға қарсы профилактикалық вакцинацияны алмастырмайды.

Афлубин® - құрамында өсімдік шикізаты бар, сондықтан дәмі мен иісі жағынан айырмашылығы болуы және аздап бұлыңғырлануы мүмкін. Бұл препараттың сапасы мен тиімділігіне ешқандай әсер етпейді.

Афлубин® препаратының құрамында лактоза моногидратының іздері бар (ең жоғары тәуліктік дозасында 10 мг-ден аз).Бұл мөлшер лактоза жақпаушылығы бар пациенттер үшін қауіп төндірмейді. Сирек тұқым қуалайтынгалактоза жақпаушылығы, Lapp-лактаза тапшылығы немесе глюкоза-галактоза мальабсорбциясы бар пациенттер бұл препаратты қабылдамауы тиіс.

Балалар

Афлубин® тамшыларын 2 жасқа толмаған балаларға қолдану ұсынылмайды, өйткені қолданылуы жөнінде жеткілікті деректер жоқ.

Жүктілік немесе лактация кезінде

Жүктілік

Препараттың жүктілік кезінде және бала емізу кезеңінде қолданылуы жөнінде деректер жоқ

Лактация кезеңі

Препараттың бала емізу кезеңінде қолданылуы үшін нақты қауіптілігіне ешқандай дәлел жоқ.

Жүктілік кезінде және бала емізу кезеңінде сақтықпен қолдану ұсынылады.

Фертильділік

Фертильділікке әсері туралы деректер жоқ

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Афлубин® тамшылары автомобильді және басқа механизмдерді басқару қабілетіне әсер етпейді немесе болар-болмас әсер етеді.

Қолдану жөніндегі нұсқаулар

Дозалау режимі

Профилактикалық ем (профилактика)

a) Суық мерзімнің басында немесе тұмау эпидемиясы алдындағы жүйелі профилактикалық ем:

Жас шамасы

Дозасы

Дозалануы

Ересектер

10 тамшы

3 апта бойы күніне 2 рет

2жастан 18 жасқа дейінгі балалар

5 тамшы

b)Тұмаумен ауырған адаммен қарым-қатынастан кейін немесе

қатты суық тигеннен кейін бірден профилактикалық ем жүргізу

Жас шамасы

Дозасы

Дозалануы

Ересектер

10 тамшы

2 күн бойы күніне 2 рет

2 жастан 18 жасқа дейінгі балалар

Тұмау, жедел респираторлық вирустық инфекциялар (ЖРВИ) кезінде, сондай-ақ буын ауыруы синдромымен қатар жүретін қабыну және ревматизм ауруларын емдеуде.

а) Емнің басы (1- 2 күн)

Жас шамасы

Дозасы

Дозалануы

Ересектер

10 тамшы

Алдымен әр 30-60 минут сайын (ең көбі күніне 8 рет) қабылдау керек.

Сауығу белгілері пайда болған кезде қабылдау жиілігі күніне 3 ретке дейін төмендетілуі тиіс

2жастан 18 жасқа дейінгі балалар

5 тамшы

Егер оң динамикасының симптомдары жоқ болса, онда қабылдауды былайша жалғастыру керек:

b) Емнің жалғасы (3- 7 күн)

Жас шамасы

Дозасы

Дозалануы

Ересектер

10 тамшы

Күніне 3 рет

2жастан 18 жасқа дейінгі балалар

5 тамшы

Афлубин® препаратының тиімділігін қамтамасыз ету үшін – тамшыларды тамақтануға дейін 30 минут бұрын немесе тамақтанудан кейін 1 сағаттан соң қабылдау керек.

Афлубин® - тамшыларын таза күйінде немесе аздаған мөлшердегі суда сұйылтып қабылдауға болады, балаларға – әрдайым сұйылтылады.

Енгізу әдісі және жолы

Ішке қабылдауға арналған

Артық дозалану жағдайында қабылдау қажет болатын шаралар

Артық дозалану жағдайлары тіркелмеген.

Препараттың көп мөлшерін қолданған жағдайда этанол мөлшері 43 % (салмағы бойынша) екенін ескеру керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Сирек

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл препараттың құрамында

белсенді заттар: Gentiana D1 – 1 мл, Aconitum D6 – 10 мл, Bryonia D6 – 10 мл, Ferrum phosphoricum D12 – 10 мл, Acidum sarcolacticum D12 – 10 мл

қосымша зат: 43% этил спирті

1 мл = шамамен 25 тамшы

Сыртқы түрінің, иісінің, дәмінің сипаттамасы

Түссізден сәл сарғыштау түске дейінгі, өзіне тән иісі жоқ және шерменгүлдің әлсіз дәмі бар мөлдір сұйықтық.

Шығарылу түрі және қаптамасы

Полиэтиленнен жасалған бұрандалы қақпағы және тамшылатқышы бар қоңыр шыныдан жасалған құтыға 20 немесе 50 мл препараттан құйылады.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

5 жыл.

Жарамдылық мерзімі өткеннен кейін қолдануға болмайды!

Сақтау шарттары

Жарықтан және күшті электромагниттік өрістерден қорғалғанжерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

Рихард Биттнер АГ, Оссиахерштрассе 7, А-9560, Фельдкирхен, Австрия

Тел.: +43/(0)1-50 30 972

Факс: +43/(0)1-50 30 972-40

Электронды пошта: office.vienna@richard-bittner.com

Тіркеу куәлігінің ұстаушысы

Зентива, к.с., Чех Республикасы

Прага 10 – Долни Меколупи, Укабеловни 130, Пошта индексі 102 37

Тел.: (+420) 267 241 111

Электронды пошта: info@zentiva.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"Алвоген Фарма Трейдинг Юроп ЕООД" Қазақстандағы өкілдігі

Алматы қ., индексі 050008

Әуезов көшесі, 48 үй, 3 қабат, 3/3

тел: +7-(727) 345 04 05

эл.пошта: PV-Kazakhstan@zentiva.com