Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Генферон Лайт капли назальные для детей 10 000 МЕ 10 мл

Қолжетімділігі
Тауар қолда жоқ
Үлгі
4607028395284
Елі
Россия
Өндіруші
Биокад ЗАО
  • Сипаттама

Сипаттама

Дәрілік затты медициналық қолдану

жөніндегі нұсқаулық

ГЕНФЕРОН® ЛАЙТ

Саудалық атауы

Генферон® лайт

Халықаралық патенттелмеген атауы

Жоқ

Дәрілік түрі

Мұрынға тамызатын дәрі, 10 000 ХБ, 10 мл

Құрамы

1 мл ерітіндінің құрамында

белсенді заттар – адамның рекомбинантты альфа-2b

(арИФН-α2b) интерфероны10 000 ХБ,

таурин 0.80 мг,

қосымша заттар: динатрий эдетаты дигидраты, глицерол, декстран 35000-45000, полисорбат-80, натрий хлориді, калий хлориді, натрий гидрофосфаты, калий дигидрофосфаты, инъекцияға арналған су.

«Адамның рекомбинантты альфа-2b (арИФН-α2b) интерфероны» субстанциясының құрамына Ресей, «БИОКАД» ЖАҚ ФБК сәйкес қосалқы заттар кіреді: натрий хлориді (ЕФ*), натрий ацетатының үшгидраты (ЕФ*), мұзды сіркесу қышқылы (ЕФ*), инъекцияға арналған су (ЕФ*).

*-қолданыстағы басылым

Сипаттамасы

Мөлдір түссіз немесе ақшыл-сары түсті сұйықтық.

Фармакотерапиялық тобы

Иммуномодуляторлар. Иммуностимуляторлар. Интерферондар. Интерферон альфа-2b.

АТХ коды L03AB05

Фармакологиялық қасиеттері

Фармакокинетикасы

Мұрын ішіне қолданған кезде Генферон® лайт, мұрынға тамызатын дәрі инфекция ошағында интерферонның жоғары концентрациясын құрайды және айқын жергілікті вирусқа қарсы және иммунитетті көтермелейтін әсер етеді.

Препараттың жүйелік сіңірілуі елеусіз, мұрын ішіне енгізген кезде рекомбинантты альфа-2b адам интерфероны аздаған мөлшерде өкпе тінінде және қанда анықталады.

Организмде биотрансформациясы негізінен бүйректе (Т½) 5,1 сағаттық жартылай шығарылу кезеңімен жүреді.

Жүйелік қан ағымына түсетін препараттың аздаған мөлшері жүйелік иммунитетті модуляциялайтын әсер етеді.

Фармакодинамикасы

Генферон® лайт, мұрынға тамызатын дәрі вирусқа қарсы, иммунитетті модуляциялайтын, қабынуға қарсы, пролиферацияға қарсы, бактерияға қарсы әсер етеді, жергілікті регенерациялайтын, жарғақшаны тұрақтандыратын және антиоксидантты қасиеттерге ие.

Интерферон альфа спецификалық ақуыздардың синтезі сатысындағы вирустардың көбеюін тежейді және қоздырғыштар инвазиясының жері және респираторлық инфекцияларда бастапқы қабыну ошағы болып табылатын мұрын қуысының шырышты қабығының жұқпа жұқпаған жасушаларға жұғуының алдын алады.

Иммунитетті модуляциялайтын әсері иммунитет жүйесінің жасушасы арқылы жүретін реакцияларының күшеюімен білінеді, бұл бөтен агенттерге қатысты иммунитет жауабының тиімділігін арттырады. Бұған CD8+ Т-киллерлерін, NK-жасушаларын (табиғи киллерлерді) белсенділендірудің, В-лимфоциттері дифференциялануын және олармен антиденелер өндірілуін, күшейту, моноцитарлық-макрофагтық жүйе мен фагоцитозды белсенділендіру, сондай-ақ негізгі I типті гистоүйлесімділік кешенінің молекулалары экспрессиясын арттыруы есебінен қол жеткізіледі, бұл иммундық жүйе жасушаларының жұқпа жұқтырылған жасушаларды айыра білу мүмкіндігін арттырады.

Интерферонның әсерінен шырышты қабықтың барлық қабаттарында болатын лейкоциттердің белсендендірілуі олардың патологиялық ошақтарды жоюға белсенді қатысуын қамтамасыз етеді; одан басқа интерферон әсерінің есебінен секреторлық А иммуноглобулині өнімдерінің қалпына келуіне қол жеткізіледі. Бактерияға қарсы әсері интерферон әсерінен күшейетін иммундық жүйе реакцияларымен жанасқан.

Препараттың құрамына кіретін таурин тіндердің метаболизмдік үдерістерін тұрақтандырады, патологиялық үдерістермен зақымданған мұрын қуысы шырышты қабығының регенерациясы және жылдам қалпына келуіне көмектеседі.

Қолданылуы

- 29 күннен 14 жасқа дейінгі балаларда тұмау мен басқа жедел респираторлық вирустық инфекцияларды емдеуде

Қолдану тәсілі мен дозалары

Аурудың алғашқы белгілерінде Генферон® лайтты 5 күн бойы мұрынға тамызады.

29 күннен 11 ай 29 күндік жасқа дейінгі балаларға – 1 тамшыдан әр мұрын жолына күніне 5 рет (бірреттік доза 1 000 ХБ, тәуліктік доза 5 000 ХБ).

1-ден 3 жасқа дейінгі балаларға – 2 тамшыдан әр мұрын жолына күніне 3-4 рет (бірреттік доза 2 000 ХБ, тәуліктік доза 6 000-8 000 ХБ).

3-тен 14 жасқа дейінгі балаларға - 2 тамшыдан әр мұрын жолына күніне 4-5 рет (бірреттік доза 2 000 ХБ, тәуліктік доза 8 000-10 000 ХБ).

Жағымсыз әсерлері

Өте сирек

- жергілікті аллергиялық реакциялар болуы мүмкін (күйдіріп-ашыту сезімі, қышыну)

Бұл құбылыстар қайтымды және препаратты қолдануды тоқтатқаннан кейін 72 сағат ішінде өздігінен жоғалады.

Дәрігерден кеңес алғаннан кейін ғана емдеуді жалғастыруға болады.

Қолдануға болмайтын жағдайлар

- альфа-2b интерферонын немесе препараттың басқа компоненттерін жекелей көтере алмаушылық немесе жоғары сезімталдық

- 0-ден 28 күнге дейінгі жаңа туған нәрестелер (клиникалық деректердің жоқтығына байланысты)

- аллергиялық аурулардың ауыр түрлері

Дәрілермен өзара әрекеттесуі

Мұрын ішіне енгізілетін тамырды тарылтушы препараттарды бір уақытта қолдану ұсынылмаған, себебі бұл мұрын қуысы шырышты қабығының қосымша құрғауын тудырады.

Айрықша нұсқаулар

Тамызғаннан кейін препараттың мұрын қуысында бірдей таралуы үшін мұрын танауларын саусақтармен бірнеше минут бойы массаж жасау ұсынылады.

Жүктілік және лактация кезеңі

Пайдаланылмайды, себебі препаратты 29 күннен 14 жасқа дейінгі балаларда қолдану көрсетілген.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Генферон® лайт препаратының ерекше назар аудару мен реакциялар жылдамдығын қажет ететін (көлік құралдарын, машиналық құрал-жабдықтарды басқару) қауіптілігі зор қызмет түрлерін орындауға әсер ету зерттелмеген.

Артық дозалануы

Генферон® лайт препаратымен артық дозалану жағдайлары қазіргі уақытқа дейін тіркелмеген.

Шығарылу түрі мен қаптамасы

Мұрынға тамызатын дәрі, 10 000 ХБ, 10 мл.

10 мл-ден алюминий қалпақшасымен қаусырылған герметикалық тығынмен тығындалған күңгірт шыныдан жасалған құтыларда. Әр құтыға өзі жабысатын заттаңбаны жабыстырады.

1 құтыдан жиынтықта 1 қондырма-тамызғышпен мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

10 мл-ден қондырма-тамызғышпен герметикалық тығындалған күңгірт шыныдан жасалған құтыларда. Әр құтыға өзі жабысатын заттаңбаны жабыстырады.

1 құтыдан мемлекеттік және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салады.

Сақтау шарттары

Құрғақ, жарықтан қорғалған жерде, 2-ден 8 °С-ге дейінгі температурада сақтау керек.

Құтыны ашқаннан кейін 2-ден 8 °С-ге дейінгі температурада 7 апта бойы сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы.

Өндіруші/Қаптаушы

«БИОКАД» ЖАҚ, Ресей Федерациясы

Заңды мекенжайы: Ресей Федерациясы, 198515, Санкт-Петербург қ-сы, Петродворцовый ауданы, Стрельна ауылы, Связь к-сі, 34 үй, литер А.

Орналасқан мекенжайы: Ресей Федерациясы, 143422, Мәскеу облысы, Красногорск ауданы, Петрово-Дальнее ауылы; телефон: + 7(495) 992-66-28; факс: +7(495) 992-82-98; e-mail: biocad@biocad.ru.

Тіркеу куәлігін ұстаушы

«БИОКАД» ЖАҚ, Ресей Федерациясы.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы және мекенжайы

«БИОКАД» компаниясының өкілі

Қазақстан Республикасы, 010000, Астана қ-сы, Орынбор к-сі, 21/1-15.

Тел.: 8(7172)63-40-15, +7(812) 380-49-33

Электронды пошта: rahimbaeva@biocad.ru, biocad@biocad.ru;

сайт: www.biocad.ru.

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы

«БИОКАД» компаниясының өкілі

Қазақстан Республикасы, 010000, Астана қ-сы, Орынбор к-сі, 21/1-15.

Электронды пошта: rahimbaeva@biocad.ru, safety@biocad.ru, biocad@biocad.ru.